Sólin Sólin Rís 10:23 • sest 16:05 í Reykjavík
Tunglið Tunglið Rís 25:04 • Sest 15:29 í Reykjavík
Flóð Flóð Árdegis: 12:18 • Síðdegis: 25:05 í Reykjavík
Fjaran Fjara Árdegis: 05:51 • Síðdegis: 18:50 í Reykjavík
Sólin Sólin Rís 10:23 • sest 16:05 í Reykjavík
Tunglið Tunglið Rís 25:04 • Sest 15:29 í Reykjavík
Flóð Flóð Árdegis: 12:18 • Síðdegis: 25:05 í Reykjavík
Fjaran Fjara Árdegis: 05:51 • Síðdegis: 18:50 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Vísindavefur Dagatal íslenskra vísindamanna Fyrir hvaða rannsóknir er Ævar vísindamaður þekktastur?

Flokkun:

1.4.2018
Vísindavefur Dagatal íslenskra vísindamanna

Fyrir hvaða rannsóknir er Ævar vísindamaður þekktastur?

Ritstjórn Vísindavefsins og Vísindafélag Íslands

Vísindafélag Íslendinga - 100 ára
Ævar vísindamaður er einn best þekkti og fjölhæfasti vísindamaður Íslands. Hann hefur einkum einbeitt sér að rannsóknum sem aðrir vísindamenn hafa ekki treyst sér til að sinna.

Ævar vísindamaður hefur stundað rannsóknir á ystu jöðrum ýmissa fræðasviða, þar á meðal stjarneðlisfræði, líffræði, efnafræði, fornleifafræði, máltækni, hafstraumafræði, sýndarveruleika, jarðfræði, bókmenntafræði, umhverfisfræði og menntavísinda. Tilgangur rannsókna Ævars hefur fyrst og fremst verið að gera heiminn skemmtilegri og minna á að allir geta unnið við vísindarannsóknir. Sem dæmi má nefna að Ævar hefur klifið Perluna með ryksugum, hangið á hvolfi á heimagerðum segulskóm, siglt yfir Tjörnina í Reykjavík á bréfbát, hjólað út í Viðey, búið til svifbretti úr trampólíni, sent flöskuskeyti til Skotlands undir gervihnattaeftirliti, stundað eldfjallarannsóknir í Surtsey og öreindarannsóknir í CERN.

Ævar vísindamaður hefur einkum einbeitt sér að rannsóknum sem aðrir vísindamenn hafa ekki treyst sér til að sinna.

Hann er einn fárra Íslendinga sem hefur ferðast á milli vídda. Hann hefur ferðast í tímavél (sem verður fundin upp síðar) og tók hann meðal annars á móti Ingólfi Arnarsyni þegar hann kom að landi í Reykjavík. Búnaður sem Ævar hefur fundið upp hefur gert honum kleift að kynnast risaeðlum og geimverum og hefur hann leitast við að miðla þeirri reynslu sinni til upprennandi vísindamanna. Margar þeirra vísindatilrauna sem Ævar hefur framkvæmt eru þó þess eðlis að þær hefur þurft að vinna í nánu samstarfi við Slökkvilið höfuðborgarsvæðisins og Hamfararáð Veðurstofu Íslands.

Ævar vísindamaður fæddist árið 1984. Hann var alinn upp í sveit í Borgarfirði, á hestabúgarði og tamningarstöð, sem nýttist honum vel í starfi síðar, til dæmis þegar hann tók útvarpsviðtal við hest. Hann lauk stúdentsprófi af málabraut Menntaskólans á Akureyri 2004 og BFA-gráðu í leiklist frá Listaháskóla Íslands árið 2010. Í því samhengi má nefna að hin mikilvægu tengsl vísinda og leiklistar voru meðal þess sem var til umræðu á alþjóðlegri ráðstefnu (International Symposium on Performance Science) sem haldin var í Reykjavík sumarið 2017.

Ævar hefur hlotið fjöldamörg verðlaun og viðurkenningar fyrir störf sín, nú síðast tilnefningu til hinna eftirsóttu „Hættu að tala svona hratt“-verðlauna en það eru hvatningarverðlaun til fólks sem vinnur á opinberum vettvangi sem mætti tala örlítið hægar. Hann er eini Íslendingurinn sem hefur hlotið Nóbelsverðlaunin í stærðfræði. Þau fékk hann fyrir rannsóknir sínar á því hvernig hægt er að gefa sjálfum sér fimmu (e. high five), þversummuna af fimmu og torræða dimmalimmu, án þess auðvitað að springa á limminu!

Áhugasömum gefst tækifæri á að hitta Ævar vísindamann í dag frá 10:00 til 16:00 á skrifstofu Vísindavefsins á Dunhaga 5. Þar mun hann opinbera hvernig maður greinir milli þess sem er satt og logið í fréttaflutningi.

Ævar hefur hlotið einkaleyfi á orðinu „maur“ og þeirri athöfn að leika maur með því að setja upp gleraugu á hvolfi og veifa spöngunum til og frá. Einkaleyfastofa hefur nú til meðferðar umsókn hans um einkaleyfi á öllum íslenskum orðum sem ríma við orðið „maur“ og í dag kemur út fyrsta ljóðabók Ævars vísindamanns, hún ber titilinn Höfuðpaur í ljósastaur.

Þess ber að geta að sumar staðhæfingar í ofangreindum texta eru réttar en aðrar rangar. Áhugasömum gefst tækifæri á að hitta Ævar vísindamann í dag frá 10:00 til 16:00 á skrifstofu Vísindavefsins í Tæknigarði við Dunhaga 5. Þar mun hann opinbera hvernig maður greinir milli þess sem er satt og logið í fréttaflutningi. Hann mun einnig gefa 500 árituð eintök af nýju vísindaljóðabókinni. Aðeins þennan eina dag!

Myndir:

Höfundar

Ritstjórn Vísindavefsins

Ritstjórn Vísindavefsins

Vísindafélag Íslands

Vísindafélag Íslands

Útgáfudagur

1.4.2018

Spyrjandi

Ritstjórn

Efnisorð

Tilvísun

Ritstjórn Vísindavefsins og Vísindafélag Íslands. „Fyrir hvaða rannsóknir er Ævar vísindamaður þekktastur?“ Vísindavefurinn, 1. apríl 2018, sótt 23. nóvember 2024, https://visindavefur.is/svar.php?id=75596.

Ritstjórn Vísindavefsins og Vísindafélag Íslands. (2018, 1. apríl). Fyrir hvaða rannsóknir er Ævar vísindamaður þekktastur? Vísindavefurinn. https://visindavefur.is/svar.php?id=75596

Ritstjórn Vísindavefsins og Vísindafélag Íslands. „Fyrir hvaða rannsóknir er Ævar vísindamaður þekktastur?“ Vísindavefurinn. 1. apr. 2018. Vefsíða. 23. nóv. 2024. <https://visindavefur.is/svar.php?id=75596>.

Chicago | APA | MLA

Tengd svör

Skoða öll nýjustu svörin

Þessi síða notar vafrakökur Nánari upplýsingar

Ég samþykki

Senda grein til vinar

=

Fyrir hvaða rannsóknir er Ævar vísindamaður þekktastur?
Ævar vísindamaður er einn best þekkti og fjölhæfasti vísindamaður Íslands. Hann hefur einkum einbeitt sér að rannsóknum sem aðrir vísindamenn hafa ekki treyst sér til að sinna.

Ævar vísindamaður hefur stundað rannsóknir á ystu jöðrum ýmissa fræðasviða, þar á meðal stjarneðlisfræði, líffræði, efnafræði, fornleifafræði, máltækni, hafstraumafræði, sýndarveruleika, jarðfræði, bókmenntafræði, umhverfisfræði og menntavísinda. Tilgangur rannsókna Ævars hefur fyrst og fremst verið að gera heiminn skemmtilegri og minna á að allir geta unnið við vísindarannsóknir. Sem dæmi má nefna að Ævar hefur klifið Perluna með ryksugum, hangið á hvolfi á heimagerðum segulskóm, siglt yfir Tjörnina í Reykjavík á bréfbát, hjólað út í Viðey, búið til svifbretti úr trampólíni, sent flöskuskeyti til Skotlands undir gervihnattaeftirliti, stundað eldfjallarannsóknir í Surtsey og öreindarannsóknir í CERN.

Ævar vísindamaður hefur einkum einbeitt sér að rannsóknum sem aðrir vísindamenn hafa ekki treyst sér til að sinna.

Hann er einn fárra Íslendinga sem hefur ferðast á milli vídda. Hann hefur ferðast í tímavél (sem verður fundin upp síðar) og tók hann meðal annars á móti Ingólfi Arnarsyni þegar hann kom að landi í Reykjavík. Búnaður sem Ævar hefur fundið upp hefur gert honum kleift að kynnast risaeðlum og geimverum og hefur hann leitast við að miðla þeirri reynslu sinni til upprennandi vísindamanna. Margar þeirra vísindatilrauna sem Ævar hefur framkvæmt eru þó þess eðlis að þær hefur þurft að vinna í nánu samstarfi við Slökkvilið höfuðborgarsvæðisins og Hamfararáð Veðurstofu Íslands.

Ævar vísindamaður fæddist árið 1984. Hann var alinn upp í sveit í Borgarfirði, á hestabúgarði og tamningarstöð, sem nýttist honum vel í starfi síðar, til dæmis þegar hann tók útvarpsviðtal við hest. Hann lauk stúdentsprófi af málabraut Menntaskólans á Akureyri 2004 og BFA-gráðu í leiklist frá Listaháskóla Íslands árið 2010. Í því samhengi má nefna að hin mikilvægu tengsl vísinda og leiklistar voru meðal þess sem var til umræðu á alþjóðlegri ráðstefnu (International Symposium on Performance Science) sem haldin var í Reykjavík sumarið 2017.

Ævar hefur hlotið fjöldamörg verðlaun og viðurkenningar fyrir störf sín, nú síðast tilnefningu til hinna eftirsóttu „Hættu að tala svona hratt“-verðlauna en það eru hvatningarverðlaun til fólks sem vinnur á opinberum vettvangi sem mætti tala örlítið hægar. Hann er eini Íslendingurinn sem hefur hlotið Nóbelsverðlaunin í stærðfræði. Þau fékk hann fyrir rannsóknir sínar á því hvernig hægt er að gefa sjálfum sér fimmu (e. high five), þversummuna af fimmu og torræða dimmalimmu, án þess auðvitað að springa á limminu!

Áhugasömum gefst tækifæri á að hitta Ævar vísindamann í dag frá 10:00 til 16:00 á skrifstofu Vísindavefsins á Dunhaga 5. Þar mun hann opinbera hvernig maður greinir milli þess sem er satt og logið í fréttaflutningi.

Ævar hefur hlotið einkaleyfi á orðinu „maur“ og þeirri athöfn að leika maur með því að setja upp gleraugu á hvolfi og veifa spöngunum til og frá. Einkaleyfastofa hefur nú til meðferðar umsókn hans um einkaleyfi á öllum íslenskum orðum sem ríma við orðið „maur“ og í dag kemur út fyrsta ljóðabók Ævars vísindamanns, hún ber titilinn Höfuðpaur í ljósastaur.

Þess ber að geta að sumar staðhæfingar í ofangreindum texta eru réttar en aðrar rangar. Áhugasömum gefst tækifæri á að hitta Ævar vísindamann í dag frá 10:00 til 16:00 á skrifstofu Vísindavefsins í Tæknigarði við Dunhaga 5. Þar mun hann opinbera hvernig maður greinir milli þess sem er satt og logið í fréttaflutningi. Hann mun einnig gefa 500 árituð eintök af nýju vísindaljóðabókinni. Aðeins þennan eina dag!

Myndir:

...