Sólin Sólin Rís 10:26 • sest 16:02 í Reykjavík
Tunglið Tunglið Rís 01:04 • Sest 15:19 í Reykjavík
Flóð Flóð Árdegis: 01:05 • Síðdegis: 13:31 í Reykjavík
Fjaran Fjara Árdegis: 07:12 • Síðdegis: 20:04 í Reykjavík
Sólin Sólin Rís 10:26 • sest 16:02 í Reykjavík
Tunglið Tunglið Rís 01:04 • Sest 15:19 í Reykjavík
Flóð Flóð Árdegis: 01:05 • Síðdegis: 13:31 í Reykjavík
Fjaran Fjara Árdegis: 07:12 • Síðdegis: 20:04 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Náttúruvísindi og verkfræði Stjarnvísindi: almennt Eru geimverur með stóran og grænan haus?

Flokkun:

25.4.2005
Náttúruvísindi og verkfræði Stjarnvísindi: almennt

Eru geimverur með stóran og grænan haus?

Þorsteinn Vilhjálmsson

Við þekkjum, að minnsta kosti enn sem komið er, aðeins þær „geimverur“ sem byggja jörðina, það er að segja allar lífverurnar hér á jörðinni. Einungis fáar þeirra eru með stóran og grænan haus.

Við getum vissulega vel hugsað okkur að til séu geimverur utan jarðar, það er að segja lifandi verur á reikistjörnu einhvers staðar langt úti í geimnum. Langlíklegast er að þá væru margar tegundir lífs á reikistjörnunni, svipað og er hér á jörðinni. Hins vegar er engin sérstök ástæða til að ætla að þessar lífverur mundu vera neitt svipaðar lífverum hér á jörðinni í útliti.

Kannski er einhver ein tegund á tiltekinni reikistjörnu sem er í einhverjum skilningi „duglegri“ en aðrar, til dæmis þannig að einstaklingar af þessari tegund fari að stunda ferðalög um geiminn. Við getum hins vegar ekkert um það sagt hvernig slíkir ferðalangar mundu líta út.

Þegar við hugsum okkur geimverur með einhverju tilteknu útliti þá er það kannski fyrst og fremst af því að við þurfum á því að halda til að geta hugsað um þetta. Rithöfundar sem skrifa skáldsögur um geimverur utan jarðar þurfa að gefa þeim eitthvert tiltekið útlit og þá hafa sumir valið stóran og grænan haus. En í raun og veru vitum við alls ekki neitt um þetta. Ef við höldum að við eigum eftir að hitta geimverur á næstunni er best að gefa sér ekki neitt fyrir fram um útlit þeirra!

Höfundur

Þorsteinn Vilhjálmsson

Þorsteinn Vilhjálmsson

prófessor emeritus, ritstjóri Vísindavefsins 2000-2010 og ritstjóri Evrópuvefsins 2011

Útgáfudagur

25.4.2005

Spyrjandi

Sigurdur P. Pálmi

Efnisorð

Tilvísun

Þorsteinn Vilhjálmsson. „Eru geimverur með stóran og grænan haus?“ Vísindavefurinn, 25. apríl 2005, sótt 24. nóvember 2024, https://visindavefur.is/svar.php?id=4927.

Þorsteinn Vilhjálmsson. (2005, 25. apríl). Eru geimverur með stóran og grænan haus? Vísindavefurinn. https://visindavefur.is/svar.php?id=4927

Þorsteinn Vilhjálmsson. „Eru geimverur með stóran og grænan haus?“ Vísindavefurinn. 25. apr. 2005. Vefsíða. 24. nóv. 2024. <https://visindavefur.is/svar.php?id=4927>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Eru geimverur með stóran og grænan haus?
Við þekkjum, að minnsta kosti enn sem komið er, aðeins þær „geimverur“ sem byggja jörðina, það er að segja allar lífverurnar hér á jörðinni. Einungis fáar þeirra eru með stóran og grænan haus.

Við getum vissulega vel hugsað okkur að til séu geimverur utan jarðar, það er að segja lifandi verur á reikistjörnu einhvers staðar langt úti í geimnum. Langlíklegast er að þá væru margar tegundir lífs á reikistjörnunni, svipað og er hér á jörðinni. Hins vegar er engin sérstök ástæða til að ætla að þessar lífverur mundu vera neitt svipaðar lífverum hér á jörðinni í útliti.

Kannski er einhver ein tegund á tiltekinni reikistjörnu sem er í einhverjum skilningi „duglegri“ en aðrar, til dæmis þannig að einstaklingar af þessari tegund fari að stunda ferðalög um geiminn. Við getum hins vegar ekkert um það sagt hvernig slíkir ferðalangar mundu líta út.

Þegar við hugsum okkur geimverur með einhverju tilteknu útliti þá er það kannski fyrst og fremst af því að við þurfum á því að halda til að geta hugsað um þetta. Rithöfundar sem skrifa skáldsögur um geimverur utan jarðar þurfa að gefa þeim eitthvert tiltekið útlit og þá hafa sumir valið stóran og grænan haus. En í raun og veru vitum við alls ekki neitt um þetta. Ef við höldum að við eigum eftir að hitta geimverur á næstunni er best að gefa sér ekki neitt fyrir fram um útlit þeirra!...