Hvaða land er frægasta ferðamannaland í heimi?

Nafn þitt

Netfang þitt

Netfang móttakanda

Ruslpóstvörn =

Svar

Hvaða land er frægasta ferðamannaland í heimi?
Það er spurning hvaða mælikvarða er hægt að nota til að ákvarða hvað er frægasta ferðamannaland í heimi. Líklega er einfaldast að setja samasemmerki á milli þess að vera frægt og vera vel sótt.

Alþjóðaferðamálastofnunin (World Tourism Organization (WTO)) heldur utan um tölulegar upplýsingar um ýmislegt sem viðkemur ferðaþjónustu í heiminum og eru tölurnar hér á eftir fengnar úr ritinu UNWTO Tourism Highlights, gefið út 2012. Í eftirfarandi töflu má sjá hvaða tíu lönd í heiminum fengu flestar heimsóknir erlendra ferðamanna árið 2011.

	Land	Fjöldi heimsókna 2011 (milljónir)
1	Frakkland	79,5
2	Bandaríkin	62,3
3	Kína	57,6
4	Spánn	56,7
5	Ítalía	46,1
6	Tyrkland	29,3
7	Bretland	29,2
8	Þýskaland	28,4
9	Malasía	24,7
10	Mexíkó	23,4

Samkvæmt þessu vilja flestir heimsækja Frakkland og því má kannski segja að það sé frægasta ferðamannalandið. Árið 2011 voru komur erlendra ferðamanna til Frakklands 79,5 milljónir. Það vekur athygli að fimm af tíu mest heimsóttu löndum heims eru í Evrópu, auk Frakklands eru það Spánn, Ítalía, Bretland og Þýskaland. Eitt land er á mörkum Asíu og Evrópu, það er að segja Tyrkland, tvö lönd eru alfarið í Asíu, Kína og Malasía og tvö lönd af þeim tíu mest heimsóttu í heimi eru í Ameríku, Bandaríkin og Mexíkó.

Heimild og mynd:

• UNWTO Tourism Highlights, 2012 edition. (Skoðað 3. 5. 2013).
• Mynd: FRANCE PARIS TOURISM Photo - Sulekha.com. (Sótt 3. 5. 2013).

...