Hvað éta eðlur og hvernig afla þær sér matar?

Nafn þitt

Netfang þitt

Netfang móttakanda

Ruslpóstvörn =

Svar

Hvað éta eðlur og hvernig afla þær sér matar?
Eins og fram kemur í svari við spurningunni Getið þið sagt mér allt um eðlur? Eru einhverjar þeirra hættulegar mönnum? greinast eðlur í um 3.800 tegundir og finnast í öllum heimsálfum, að Suðurskautslandinu undanskildu. Þær eru mjög breytilegar að stærð, þær minnstu aðeins nokkrir cm en þær stærstu allt að þrír metrar á lengd. Það þarf því ekki að koma á óvart að fjölbreytni eðla í fæðuvali er mikil.

Flestar eðlutegundir eru jurtaætur og éta því aðeins hina ýmsu plöntuhluta jurta, svo sem laufblöð, stilka, blómhluta eða ávexti. Dæmi um stóra ætt sem étur nær eingöngu plöntur eru græneðlur (Iguanidae) en um þær má meðal annars lesa í svari við spurningunni Er bit grænna iguana-eðlna hættulegt?

Svo eru einnig til eðlutegundir sem éta dýr, allt frá smáum skordýrum upp í stór spendýr, svo sem hjartardýr. Skordýraát er útbreitt meðal eðla, meðal annars innan undirflokks sem nefnist gekkó (gekkonidae). Til eru eðlur sem éta hryggdýr og er kómódó-drekinn (Varanus komodoensis), stærsta núlifandi eðla heims, líklega þekktasta dæmið um slíkt. Gíla-eðlan (Heloderma suspectum) er annað dæmi um eðlutegund sem hefur hryggdýr, til dæmis önnur skriðdýr og lítil spendýr, á matseðlinum. Þessi tegund er önnur tveggja eðlutegunda sem notar eitur til að lama bráðir.

Á Vísindavefnum eru fleiri svör um eðlur, til dæmis þau sem nefnd eru hér til hliðar. Í sumum þeirra má lesa hvað tilteknar eðlur kjósa helst að éta.

Myndir:

• Græneðla: Pet Advice
• Frýna: Bangkok Post. Sótt 15. 12. 2011.

...