Af hverju eru hundar gæludýr manna?

Nafn þitt

Netfang þitt

Netfang móttakanda

Ruslpóstvörn =

Svar

Af hverju eru hundar gæludýr manna?
Sjálfsagt er hægt að svara þessari spurningu á ýmsan hátt. Meðal annars með því að vísa í hvernig félagsgerð hunda er en hundar eru hópdýr og hentuðu því vel sem gæludýr inn á heimilum okkar mannanna, auk þess að sinna mörgum mikilvægum verkum manninum til gagns í þúsundir ára.

Um tilkomu þessa langa sambands manns og hunds er auðvitað ekki vitað en vísindamenn hafa rökrætt upprunann í áratugi. Menn telja þó að villihundar hafi upphaflega fylgt mönnum eftir til að hirða af þeim leifar veiðidýra sem menn höfðu lagt sér til munns. Smám saman nálguðust þeir mennina og fengu að éta kjöt nærri þeim. Eflaust hafa kynnin orðið svona. Aðrir telja að menn hafi tekið sér hvolpa undan villihundum og alið upp því menn hafa í árdaga séð möguleika í að halda hunda þar sem þeir nýtast vel til að hjálpa mönnum við veiðar.

Ekki er vitað með vissu af hverju menn byrjuðu að nota hunda sem gæludýr.

Elstu minjar um nána sambúð hunda og manna eru úr fornleifauppgreftri á svæði sem nefnist Bonn-Berkassel í vesturhluta Þýskalands en þar fundust leifar af hundi innan um mannvistarleifar. Þessar minjar eru 14 þúsund ára gamlar samkvæmt kolefnisaldursgreiningu en þá ríkti ísöld í Evrópu.

Frekara lesefni á Vísindavefnum:

• Af hverju eru hundar stundum grimmir og stundum góðir? eftir Pál Hersteinsson og Þorstein Vilhjálmsson
• Hvers vegna halla hundar undir flatt? eftir Jón Má Halldórsson
• Af hverju þefa hundar af rassinum á hvor öðrum þegar þeir hittast? Eru þeir að heilsast? eftir Jón Má Halldórsson
• Hvað eru refir og úlfar mikið skyldir? eftir Jón Má Halldórsson

Mynd:

• Wikipedia.com - dog. Sótt 18.3.2011.

---

Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur....