Gætu einhverjar tegundir úlfa lifað á Íslandi?

Nafn þitt

Netfang þitt

Netfang móttakanda

Ruslpóstvörn =

Svar

Gætu einhverjar tegundir úlfa lifað á Íslandi?
Úlfar eru sennilega eitt útbreiddasta landrándýrið á jörðinni. Þeir geta lifað við mjög ólíkar aðstæður, allt frá köldum heimskautaeyjum suður til brennheitra eyðimarka Arabíuskagans. Það er því ekki ólíklegt að lítill úlfastofn gæti lifað hér á landi ef næg fæða er fyrir hendi.

Ein helsta veiðibráð úlfa víða á norðurhjaranum eru hreindýr og þau finnast hér á landi á afmörkuðu svæði. Fátt annað í villtri íslenskri náttúru gæti haldið uppi heilbrigðum litlum stofni úlfa, nema kannski tilfallandi afrán á gæsum og úr hreiðrum æðarfugls.

Úlfar yrðu þó varla velkomnir hér þar sem þeir eru fyrirferðarmiklir afræningjar í þeim vistkerfum þar sem þeir lifa. Þeir myndu eflaust verða mikil plága fyrir sauðfjárbændur auk þess sem þeir myndu leggjast af krafti á hreindýrahjarðirnar á Austurlandi, svo mjög að sá hluti sem ætlaður er veiðimönnum mundi eflaust verða hraustlega skorinn niður með tilheyrandi tekjusamdrætti fyrir samfélagið fyrir austan.

Mynd:

• Wolf | Flickr - Photo Sharing! Höfundur myndar: Michael Cutmore. Birt undir Creative Commons-leyfi. (Sótt 29. 7. 2013).
  ...