Sólin
Rís 10:17 • sest 16:10
Tunglið
Rís 21:40 • Sest 15:54
Flóð
Árdegis: 10:12 • Síðdegis: 22:46
Fjara
Árdegis: 03:46 • Síðdegis: 16:36
Vatnið er í samfelldri hringrás: það gufar upp úr sjónum á suðlægari breiddargráðum, berst inn yfir landið þar sem það þéttist og fellur til jarðar, streymir aftur til sjávar í vatnsföllum eða berst niður í berggrunninn sem grunnvatn - og þaðan til sjávar aftur með tímanum.
Í svari JGÞ við spurningunni: Úr hvaða efni eru ský? má svo sjá meira um hvernig skýin verða til en þar stendur:
Skýin sem við sjáum á himninum eru einfaldlega safn örsmárra vatnsdropa. Þau myndast þegar vatnsgufa í andrúmsloftinu kólnar. Við það þéttist hún og skýin verða til. Þegar loft streymir upp á við lækkar bæði þrýstingur og hiti þess. Uppstreymi verður til dæmis þegar vindur lendir á fjöllum en þá þvingast loftið upp á við. Þegar það gerist kólnar loftið, vatnsgufan þéttist og ský myndast.Skýjadroparnir hreyfast á ýmsa vegu. Þeir stækka svo við það að lenda í árekstri við aðra dropa. Þegar droparnir eru orðnir nógu stórir falla þeir til jarðar. Hitastigið ræður því hvort þeir komi til jarðar í formi rigningar eða snjós. Hringrás vatnsins heldur svo áfram og að lokum munu þessir sömu dropar vera komnir aftur á byrjunarreit uppi á himninum. Frekara lesefni á Vísindavefnum:
- Af hverju myndast ský og af hverju falla þau ekki til jarðar? eftir Harald Ólafsson
- Af hverju eru sum ský hvít en önnur grá? eftir Trausta Jónsson
- Eru til margar gerðir skýja? eftir Sigrúnu Karlsdóttur
- HB.
Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.
