Hver er mannskæðasti sjúkdómur á jörðinni?

Nafn þitt

Netfang þitt

Netfang móttakanda

Ruslpóstvörn =

Svar

Hver er mannskæðasti sjúkdómur á jörðinni?
Sjúkdómar leggjast misjafnlega á jarðarbúa eftir því hvar menn búa og hvernig efnahag þeirra er háttað.

Alþjóðlega heilsustofnunin hefur gert lista yfir sjúkdóma eftir því hve há dánartíðni þeirra er. Þeir sjúkdómar sem valda hæstri dánartíðni í heiminum um þessar mundir eru hjarta- og æðasjúkdómar. Þar næst koma bráðar lungnabólgur, alnæmi, viðvarandi lungnasjúkdómar, niðurgangspestir og berklar.

Þessi flokkun gefur þó ekki raunsanna mynd af sjúkdómsbyrðinni vegna þess að hjarta- og æðasjúkdómar leggjast fyrst og fremst á eldra fólk. Því hefur Alþjóðaheilsustofnunin stuðst við annan kvarða til að mæla sjúkdómsbyrðina. Kvarðinn miðast við stöðluð lífár án fötlunar (DALYs - Disability Adjusted Life Years). Hann tekur annars vegar tillit til tapaðra æviára vegna ótímabærs dauða og hins vegar til tapaðra ára heilbrigðs lífs vegna fötlunar. Þegar miðað er við stöðluð lífár fötlunar eru bráðar lungnabólgur efstar á blaði. Þar næst koma sjúkdómar tengdir fæðingum og nýburum, niðurgangspestir, alnæmi, þunglyndi, hjarta- og æðasjúkdómar og malaría.

Frekara lesefni á Vísindavefnum:

• Hvaða sjúkdómar eru algengastir í þróunarlöndunum? eftir Ulriku Andersson og Ólaf Pál Jónsson.
• Hvers vegna dóu svona margir indjánar úr kvefi eftir komu Evrópumanna til Ameríku? eftir Gísla Gunnarsson.

Mynd:

• Wikipedia - Clogged heart artery. (Sótt 8.6.2018).

Spurningin er hér sýnd eins og Haukur Hallsson setti hana fram en Auður Þorleifsdóttir spurði auk þess á svipaðan hátt:

Hver er hættulegasti sjúkdómurinn í heiminum fyrir utan HIV-veiruna?

...