Hvar hafa vísindamenn fundið risaeðlubein?

Nafn þitt

Netfang þitt

Netfang móttakanda

Ruslpóstvörn =

Svar

Hvar hafa vísindamenn fundið risaeðlubein?
Steingerðar leifar beina risaeðla hafa fundist á öllum meginlöndum jarðar; Suðurskautslandinu, Ástralíu, Asíu, Evrópu og Norður- og Suður-Ameríku. Einnig á stórum eyjum eins og Madagaskar, Japan og á Grænlandi.

Risaeðlurnar komu fyrst fram fyrir um 230 miljónum ára, á svokölluðu trías tímabili jarðsögunnar. Á þeim tíma voru öll meginlönd heims samtengd í eitt stórt meginland, Pangea, sem náði heimskauta á milli. Risaeðlur hafa væntanlega náð að breiða úr sér og dreifast víða um þetta forna meginland. Þegar Pangea fór að gliðna í sundur, eins og lýst er í svari Sigurðar Steinþórssonar við spurningunni Af hverju brotnaði Pangea upp? hafa risaeðlur sem var að finna á hverju svæði fyrir sig fylgt með.

Þetta er ástæðan fyrir því að í dag er því hægt að finna ævafornar leifar risaeðla í jarðlögum allra meginlanda. Ísland hins vegar er ung eyja eða um 20 milljón ára gömul. Því má vart vænta þess að finna risaeðlubein í jarðlögum hér á landi þar sem þær dóu út fyrir um 65 milljón árum.

Kort:

• Carrano - Dinosaur Diversity and the Fossil Record. Smithsonian National Museum of Natural History. (Sótt 17. 2. 2016).

...