Eru Thomas og Julian Huxley á vísindadagatalinu tengdir og sést Thomas á málverkinu í bakgrunni myndarinnar af Julian?

Nafn þitt

Netfang þitt

Netfang móttakanda

Ruslpóstvörn =

Svar

Eru Thomas og Julian Huxley á vísindadagatalinu tengdir og sést Thomas á málverkinu í bakgrunni myndarinnar af Julian?
Enski líffræðingurinn Thomas H. Huxley (1825-1895) var föðurafi líffræðingsins Julians Huxley (1887-1975). Þeir eru báðir á vísindadagatali HÍ og Vísindavefsins fyrir árið 2011. Á myndinni af Julian sem birtist á vísindadagatalinu sést afi hans í bakgrunni á málverki. Á þessari síðu er hægt að skoða stórt eintak af myndinni. Að minnsta kosti ein mynd er til af Julian og Thomas saman, hún er birt með þessu svari.

Thomas Huxley er meðal annars þekktur fyrir samanburð á líffærum dýra og hann sá að fuglar væru komnir af litlum risaeðlum. Hann átti ríkan þátt í gengi þróunarkenningarinnar. Sonarsonur hans átti síðan gildan þátt í endurnýjun þróunarkenningarinnar um miðja 20. öld.

Á vísindadagatalinu eru fleiri vísindamenn sem tengjast innbyrðist. Þar eru til að mynda stærðfræðingarnir Jakob (1655-1705) og Daniel Bernoulli (1700-1782) en sá fyrrnefndi var föðurbróðir þess síðarnefnda.

Á dagatalinu eru einnig hjónin Marie-Anne og Antoine Lavoisier. Marie-Anne var franskur efnafræðingur sem vann með manni sínum að rannsóknum og þýddi merkar bækur um vísindi á frönsku. Maður hennar er oft nefndur faðir nútíma efnafræði. Hann bar kennsl á súrefni og vetni og gerði fyrstu skrána um frumefni nútímans.

Mynd:

• Public Vigil. Sótt 19.10.2011.

...