Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Vísindavefur Föstudagssvar Hvert er næringargildi manneskju?

Flokkun:

14.8.2009
Vísindavefur Föstudagssvar

Hvert er næringargildi manneskju?

Ritstjórn Vísindavefsins

Fyrir nokkrum misserum hefði verið erfitt að svara þessari spurningu. Mannát hefur því miður verið litið hornauga í vestrænu samfélagi og helstu fræðirit í næringarfræði veita engar upplýsingar um næringargildi mannakjöts. Á síðustu mánuðum og árum hefur þó áhugi og vitundarvakning um mannát skotið rótum á meginlandinu, sér í lagi í Danmörku og Frakklandi.

Mannrækt, manneldi og mannbjörg eru orð sem flestir hafa nú á takteinum, það síðastnefna er til að mynda notað um þá sem færa mannakjöt sem björg í búið. Í dag er svo komið að ekkert franskt veitingahús fær lengur Michelin-stjörnurnar eftirsóttu nema það bjóði upp á quiche au porc longue og danskir pyslusalar anna vart eftirspurn eftir pyslum gerðum úr den "anden hvide kød".

Samkvæmt upplýstum næringarfræðingum handan við hafið er mannakjöt einkar prótínríkt og fitulítið. Þrjúhundruð gramma meðalskammtur inniheldur um 450 hitaeiningar. Kjötið er ágætis uppspretta járns, B-12 og C-vítamína, og sér meðalmanneskju fyrir 15% af ráðlögðum dagsskammti fitusýra, þar af 16% mettuðum. Ef kjötið er af táningi er það tiltölulega meyrt og gott, en verður seigara með aldri. Það er ekki ósvipað svínakjöti að áferð og bragði.



Leikarinn Anthony Hopkins í vel þekktri auglýsingaherferð Mannvina, sambands íslenskra mannæta.

Auðvitað vill almenningur frekar tala við vini sína en borða þá og því kemur kjöt ætlað til manneldis af sérstökum bóndabæjum. Þar eru grillpinnarnir aldir sérstaklega með matreiðslu í huga, svipað og hundar eru ræktaðir til eldunar víða í Asíu. Verðandi mannslundirnar lifa þar í góðu yfirlæti, án alls sambands við umheiminn sem gerði þeim ef til vill erfitt að sætta sig við hlutskipti sitt, þar til þeim er slátrað, pakkað og afurðir þeirra sendar í verslanir. Þetta sérræktaða fólk er þess vegna ómannblendið með eindæmum, nema þegar það er á boðstólum nýrra heilsustaða sem bjóða upp fyrirtaks mannblendi úr svonefndum blenderum.

Nokkur kjúklingabú hér á landi hafa sýnt manneldi mikinn áhuga, en enn er eitthvað í að skipulögð mannverkun hefjist hér á landi. Landsmenn þurfa þó ekki að fara á mis við þessa sérdeilis prýðilegu mataruppsprettu, sem er sannarlega velkomin búbót á þessum síðustu og verstu tímum, heldur getur fólk einfaldlega gætt sér á villibráð þangað til að opinbert ríkiseldi kemst á laggirnar. Fróðir menn segja líka að bragðbesti maturinn sé sá sem maður veiðir sjálfur.

Vanur mannverkari í vinnugallanum.

Væna villibráð má oft finna í almenningsgörðum eða fáförnum hliðargötum síðla nætur og hraust fólk vílar varla fyrir sér að hlaupa kvöldmatinn uppi. Skósalar í betri íþróttabúðum segja að töluverð aukning sé á góðum hlaupaskóm til þessara verka. Eins er áberandi að golfkylfur hafa selst vel síðustu misseri því þær þykja duga vel til að veita náðarhöggið, en þeir sem koma af betri millistéttarheimilum og hafa lært á slaghörpu á yngri árum nota hins vegar oft píanóvír til veiðanna.

Til að losna við allar bakteríur og aðra óværu er ráðlegt að elda mannakjöt vel. Sjálfu þykir starfsfólki Vísindavefsins gott að útbúa kótilettur úr veiðinni, grilla þær á hvorri hlið í fimm mínútur, og bera fram með bökuðum kartöflum og eplasósu. Namminamm.

Tengt efni á Vísindavefnum:

Við bendum þeim sem ekki hafa fattað það að þetta svar er föstudagssvar. Lesendur sem taka eitthvað við svarið alvarlega gera það algjörlega á eigin ábyrgð. Þeim sem finnst mannát ekkert aðhlátursefni geta skoðað svar Arnars Árnasonar við spurningunni Eru til þjóðir sem borða mannakjöt? Hvar eru þær?

Höfundur

Ritstjórn Vísindavefsins

Ritstjórn Vísindavefsins

Útgáfudagur

14.8.2009

Síðast uppfært

31.8.2018

Spyrjandi

Arnaldur Bjarnason

Efnisorð

Tilvísun

Ritstjórn Vísindavefsins. „Hvert er næringargildi manneskju?“ Vísindavefurinn, 14. ágúst 2009, sótt 21. nóvember 2024, https://visindavefur.is/svar.php?id=53281.

Ritstjórn Vísindavefsins. (2009, 14. ágúst). Hvert er næringargildi manneskju? Vísindavefurinn. https://visindavefur.is/svar.php?id=53281

Ritstjórn Vísindavefsins. „Hvert er næringargildi manneskju?“ Vísindavefurinn. 14. ágú. 2009. Vefsíða. 21. nóv. 2024. <https://visindavefur.is/svar.php?id=53281>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Hvert er næringargildi manneskju?
Fyrir nokkrum misserum hefði verið erfitt að svara þessari spurningu. Mannát hefur því miður verið litið hornauga í vestrænu samfélagi og helstu fræðirit í næringarfræði veita engar upplýsingar um næringargildi mannakjöts. Á síðustu mánuðum og árum hefur þó áhugi og vitundarvakning um mannát skotið rótum á meginlandinu, sér í lagi í Danmörku og Frakklandi.

Mannrækt, manneldi og mannbjörg eru orð sem flestir hafa nú á takteinum, það síðastnefna er til að mynda notað um þá sem færa mannakjöt sem björg í búið. Í dag er svo komið að ekkert franskt veitingahús fær lengur Michelin-stjörnurnar eftirsóttu nema það bjóði upp á quiche au porc longue og danskir pyslusalar anna vart eftirspurn eftir pyslum gerðum úr den "anden hvide kød".

Samkvæmt upplýstum næringarfræðingum handan við hafið er mannakjöt einkar prótínríkt og fitulítið. Þrjúhundruð gramma meðalskammtur inniheldur um 450 hitaeiningar. Kjötið er ágætis uppspretta járns, B-12 og C-vítamína, og sér meðalmanneskju fyrir 15% af ráðlögðum dagsskammti fitusýra, þar af 16% mettuðum. Ef kjötið er af táningi er það tiltölulega meyrt og gott, en verður seigara með aldri. Það er ekki ósvipað svínakjöti að áferð og bragði.



Leikarinn Anthony Hopkins í vel þekktri auglýsingaherferð Mannvina, sambands íslenskra mannæta.

Auðvitað vill almenningur frekar tala við vini sína en borða þá og því kemur kjöt ætlað til manneldis af sérstökum bóndabæjum. Þar eru grillpinnarnir aldir sérstaklega með matreiðslu í huga, svipað og hundar eru ræktaðir til eldunar víða í Asíu. Verðandi mannslundirnar lifa þar í góðu yfirlæti, án alls sambands við umheiminn sem gerði þeim ef til vill erfitt að sætta sig við hlutskipti sitt, þar til þeim er slátrað, pakkað og afurðir þeirra sendar í verslanir. Þetta sérræktaða fólk er þess vegna ómannblendið með eindæmum, nema þegar það er á boðstólum nýrra heilsustaða sem bjóða upp fyrirtaks mannblendi úr svonefndum blenderum.

Nokkur kjúklingabú hér á landi hafa sýnt manneldi mikinn áhuga, en enn er eitthvað í að skipulögð mannverkun hefjist hér á landi. Landsmenn þurfa þó ekki að fara á mis við þessa sérdeilis prýðilegu mataruppsprettu, sem er sannarlega velkomin búbót á þessum síðustu og verstu tímum, heldur getur fólk einfaldlega gætt sér á villibráð þangað til að opinbert ríkiseldi kemst á laggirnar. Fróðir menn segja líka að bragðbesti maturinn sé sá sem maður veiðir sjálfur.

Vanur mannverkari í vinnugallanum.

Væna villibráð má oft finna í almenningsgörðum eða fáförnum hliðargötum síðla nætur og hraust fólk vílar varla fyrir sér að hlaupa kvöldmatinn uppi. Skósalar í betri íþróttabúðum segja að töluverð aukning sé á góðum hlaupaskóm til þessara verka. Eins er áberandi að golfkylfur hafa selst vel síðustu misseri því þær þykja duga vel til að veita náðarhöggið, en þeir sem koma af betri millistéttarheimilum og hafa lært á slaghörpu á yngri árum nota hins vegar oft píanóvír til veiðanna.

Til að losna við allar bakteríur og aðra óværu er ráðlegt að elda mannakjöt vel. Sjálfu þykir starfsfólki Vísindavefsins gott að útbúa kótilettur úr veiðinni, grilla þær á hvorri hlið í fimm mínútur, og bera fram með bökuðum kartöflum og eplasósu. Namminamm.

Tengt efni á Vísindavefnum:

Við bendum þeim sem ekki hafa fattað það að þetta svar er föstudagssvar. Lesendur sem taka eitthvað við svarið alvarlega gera það algjörlega á eigin ábyrgð. Þeim sem finnst mannát ekkert aðhlátursefni geta skoðað svar Arnars Árnasonar við spurningunni Eru til þjóðir sem borða mannakjöt? Hvar eru þær?

...