Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Náttúruvísindi og verkfræði Lífvísindi: dýrafræði Hvaða dýr eru í allra mestri útrýmingarhættu?

Flokkun:

15.7.2003
Náttúruvísindi og verkfræði Lífvísindi: dýrafræði

Hvaða dýr eru í allra mestri útrýmingarhættu?

Jón Már Halldórsson

Hér er einnig svarað spurningunni:
Hvaða dýr eru núna í útrýmingarhættu?

Höfundur þessa svars hefur þegar svarað nokkrum spurningum á Vísindavefnum um sjaldgæf dýr og dýr í útrýmingarhættu:

Þessum spurningum er það öllum sameiginlegt að erfitt er að svara þeim örugglega. Örðugt getur reynst að meta stofnstærð sjaldgæfra tegunda ef búsvæði þeirra eru torveld yfirferðar og mörkin milli þess að telja tegund í útrýmingarhættu eða útdauða eru oft á reiki. Tegundir taldar útdauðar hafa verið uppgötvaðar á ný þannig að hver listi yfir sjaldgæfar eða útrýmdar tegundir verður aldrei tæmandi.

Í svarinu um sjaldgæfasta fuglinn eru nefndar nokkrar fuglategundir sem aðeins telja fáa einstaklinga, eftir því sem vísindamenn vita best. Tegundin Gurney´s pitta (Pitta gurneyi) er talin vera sjaldgæfasta fuglategund veraldar, stofnstærðin aðeins 18 einstaklingar árið 2000. Gerðar hafa verið umfangsmiklar rannsóknir á stofnstærðum spendýrategunda og hér að neðan fylgir listi yfir sjaldgæfustu spendýr veraldar:

TegundEnskt heitiFjöldi einstaklingaÁrtal talningar
Marmota vancouverensisMúrmeldýrVancouver Island Marmot242002
Lipotes vexilliferFljótahöfrungurBaijiÖrfáir tugir 2000
Coleura seychellensisLeðurblakaSeychelle Sheath-Tailed BatInnan við 501999
Rhinoceros sondaicusNashyrningurJavan RhinocerosInnan við 602002
Caprolagus hispidusHériAssam Rabbit1102001
Bubalus mindorensisDvergvaxinn vatnabuffallTamaraw30-2002002

Fjölmargar spendýrategundir telja færri en 1.000 einstaklinga en hér er um allra sjaldgæfustu spendýrin að ræða.

Meðal skriðdýra hefur löngum verið talið að tegund sem kallast á ensku Round Island Boa (Casarea dussumieri), sé sú sjaldgæfasta. Nokkrar aðrar tegundir „sækja hart að þessum titli“ eins og Cropan’s Tree Boa (Xenoboa croapnii) og hin ástralska Rough-Scaled Python (Morelia carinata).

Sniglinum Samoana fragilis (e. Fragile Tree Snail) hefur fækkað stórkostlega á undanförnum 6 árum. Árið 1996 lifði hann aðeins á tveimur eyjum í Kyrrahafi, Guam og Rota en er nú horfin af Guam og aðeins tæpir 100 einstaklingar finnast á Rotaeyju. Annað lindýr, madeiralandsnigillinn (Discus guerinianus), var talið útdautt árið 1860 en í rannsókn sem gerð var á eyjunni 1996 fannst það á ný en er afar sjaldgæft.

Í svarinu við spurningunni Hversu margar tegundir af dýrum eru í útrýmingarhættu í dag og af hverju? er fjallað um fjölda tegunda í útrýmingarhættu eftir hópum og á vefsíðunni www.redlist.org má sjá uppfærðan lista og ýmsar upplýsingar um lífverur í útrýmingarhættu.

Heimild: Rauði listinn: 2002 IUCN Red List of Threatened Species

Mynd: The Vancouver Island marmot pages

Höfundur

Jón Már Halldórsson

Jón Már Halldórsson

líffræðingur

Útgáfudagur

15.7.2003

Spyrjandi

Tinna Ingólfsdóttir, f. 1992
Ingibjörg Sigurðardóttir, f. 1985

Efnisorð

Tilvísun

Jón Már Halldórsson. „Hvaða dýr eru í allra mestri útrýmingarhættu?“ Vísindavefurinn, 15. júlí 2003, sótt 21. nóvember 2024, https://visindavefur.is/svar.php?id=3582.

Jón Már Halldórsson. (2003, 15. júlí). Hvaða dýr eru í allra mestri útrýmingarhættu? Vísindavefurinn. https://visindavefur.is/svar.php?id=3582

Jón Már Halldórsson. „Hvaða dýr eru í allra mestri útrýmingarhættu?“ Vísindavefurinn. 15. júl. 2003. Vefsíða. 21. nóv. 2024. <https://visindavefur.is/svar.php?id=3582>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Hvaða dýr eru í allra mestri útrýmingarhættu?
Hér er einnig svarað spurningunni:

Hvaða dýr eru núna í útrýmingarhættu?

Höfundur þessa svars hefur þegar svarað nokkrum spurningum á Vísindavefnum um sjaldgæf dýr og dýr í útrýmingarhættu:

Þessum spurningum er það öllum sameiginlegt að erfitt er að svara þeim örugglega. Örðugt getur reynst að meta stofnstærð sjaldgæfra tegunda ef búsvæði þeirra eru torveld yfirferðar og mörkin milli þess að telja tegund í útrýmingarhættu eða útdauða eru oft á reiki. Tegundir taldar útdauðar hafa verið uppgötvaðar á ný þannig að hver listi yfir sjaldgæfar eða útrýmdar tegundir verður aldrei tæmandi.

Í svarinu um sjaldgæfasta fuglinn eru nefndar nokkrar fuglategundir sem aðeins telja fáa einstaklinga, eftir því sem vísindamenn vita best. Tegundin Gurney´s pitta (Pitta gurneyi) er talin vera sjaldgæfasta fuglategund veraldar, stofnstærðin aðeins 18 einstaklingar árið 2000. Gerðar hafa verið umfangsmiklar rannsóknir á stofnstærðum spendýrategunda og hér að neðan fylgir listi yfir sjaldgæfustu spendýr veraldar:

TegundEnskt heitiFjöldi einstaklingaÁrtal talningar
Marmota vancouverensisMúrmeldýrVancouver Island Marmot242002
Lipotes vexilliferFljótahöfrungurBaijiÖrfáir tugir 2000
Coleura seychellensisLeðurblakaSeychelle Sheath-Tailed BatInnan við 501999
Rhinoceros sondaicusNashyrningurJavan RhinocerosInnan við 602002
Caprolagus hispidusHériAssam Rabbit1102001
Bubalus mindorensisDvergvaxinn vatnabuffallTamaraw30-2002002

Fjölmargar spendýrategundir telja færri en 1.000 einstaklinga en hér er um allra sjaldgæfustu spendýrin að ræða.

Meðal skriðdýra hefur löngum verið talið að tegund sem kallast á ensku Round Island Boa (Casarea dussumieri), sé sú sjaldgæfasta. Nokkrar aðrar tegundir „sækja hart að þessum titli“ eins og Cropan’s Tree Boa (Xenoboa croapnii) og hin ástralska Rough-Scaled Python (Morelia carinata).

Sniglinum Samoana fragilis (e. Fragile Tree Snail) hefur fækkað stórkostlega á undanförnum 6 árum. Árið 1996 lifði hann aðeins á tveimur eyjum í Kyrrahafi, Guam og Rota en er nú horfin af Guam og aðeins tæpir 100 einstaklingar finnast á Rotaeyju. Annað lindýr, madeiralandsnigillinn (Discus guerinianus), var talið útdautt árið 1860 en í rannsókn sem gerð var á eyjunni 1996 fannst það á ný en er afar sjaldgæft.

Í svarinu við spurningunni Hversu margar tegundir af dýrum eru í útrýmingarhættu í dag og af hverju? er fjallað um fjölda tegunda í útrýmingarhættu eftir hópum og á vefsíðunni www.redlist.org má sjá uppfærðan lista og ýmsar upplýsingar um lífverur í útrýmingarhættu.

Heimild: Rauði listinn: 2002 IUCN Red List of Threatened Species

Mynd: The Vancouver Island marmot pages

...