Vísindavefurinn: Hvers vegna keyrir eldra fólk oft hægt?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Eins og fram kemur í svari Pálma V. Jónssonar við spurningunni Hefur hár aldur og hægari líkamsstarfsemi áhrif á það hvernig við skynjum hraða tímans? hægja ýmsar aldurstengdar breytingar á hreyfingum og viðbrögðum fólks.

Hjá eldra fólki er vöðvasamdráttur hægari en hjá þeim sem yngri eru. Þetta stafar meðal annars af því að með hækkandi aldri hrörnar efnið myelín sem sér um að hraða flutningi taugaboða. Taugaleiðni eldra fólks er þess vegna hægari en hjá þeim sem yngri eru og þar af leiðandi öll viðbrögð þeirra. Aldraðir ganga þess vegna og hlaupa hægar en yngra fólk.

En hægari taugaleiðni er ekki ástæðan fyrir því að aldraðir keyra oft hægar en yngra fólk. Það þarf ekki hröð viðbrögð til að stíga með hægra fæti á bensíngjöfina og keyra sífellt hraðar og hraðar. Fæst gatnakerfi eru hins vegar hönnuð eingöngu með beinum vegum: Hringtorg, gatnamót, aðreinar, beygjur, umferðarljós; allt krefst þetta viðbragða frá ökumönnum. Þeim mun hraðar sem við ökum þeim mun hraðari þurfa viðbrögð okkar í umferðinni að vera.

Það er þess vegna fyrst og fremst varkárni eldra fólks í umferðinni sem gerir það að verkum að það keyrir stundum hægar en aðrir. Í raun og veru gætu aldraðir keyrt alveg jafn hratt og aðrir, en þá væru bílslys líklega tíðari en nú er. Ef Formula 1 kappaksturinn færi fram á beinum brautum þar sem aldrei þyrfti að sveigja hjá öðrum ökumönnum væri eins líklegt að fremstur þar í flokki þar væri afi Michaels Schumacher.

Þeir sem vilja lesa nánar um áhrif öldrunar á taugakerfið er bent á að lesa svar við spurningunni:

Hver eru áhrif öldrunar á taugakerfið? (Helga Hansdóttir)

Hinir sem hafa meiri áhuga á kappakstri geta skoðað svör við spurningunum:

Af hverju takast kappakstursbílar ekki á loft þegar þeir eru komnir á fulla ferð? (Þorsteinn Vilhjálmsson)
Hvað munar miklu á hraða á bíl í kappakstri og manni í skíðastökki? (Stefán Ingi Valdimarsson og Þorsteinn Vilhjálmsson)

Mynd: ITS institute

Senda grein til vinar

Sendu inn spurningu

Hvers vegna keyrir eldra fólk oft hægt?

Höfundur

Útgáfudagur

Spyrjandi

Efnisorð

Tilvísun

Senda grein til vinar

Sendu inn spurningu

Hvers vegna keyrir eldra fólk oft hægt?

Höfundur

Útgáfudagur

Spyrjandi

Efnisorð

Tilvísun

Deila

Senda grein til vinar