Hvað er kvikuhlaup?

Nafn þitt

Netfang þitt

Netfang móttakanda

Ruslpóstvörn =

Svar

Hvað er kvikuhlaup?
Kvikuhlaup er notað fyrir það fyrirbrigði þegar veggir kvikuhólfs í jarðskorpunni bresta vegna vaxandi þrýstings í hólfinu og kvikan leitar út í sprunguna sem myndast. Kvikufyllta sprungan (kvikugangurinn) getur lengst og víkkað og tekið til sín hluta af kvikunni í hólfinu. Þrýstingur í hólfinu fellur og getur það leitt til landsigs á yfirborðinu yfir hólfinu. Ef kvikugangurinn nær til yfirborðs verður eldgos.

Orðið varð til á tímum umbrotanna í Kröflu, með hliðsjón af orðinu jökulhlaup, sem notað hafði verið yfir hliðstæða atburðarás þegar jökulstífluð lón yfirfyllast og flóð brýst fram. Alls urðu um 20 kvikuhlaup frá kvikuhólfi Kröflu á árunum 1975-1984 og náðu 9 þeirra til yfirborðs í gosum. Í atburðarásinni við Svartsengi sem hófst í lok október 2023 hafa fram til þessa (6. maí 2024) orðið 6 kvikuhlaup af mismunandi stærð, og hafa 4 þeirra náð til yfirborðs.

Myndin hér fyrir ofan sýnir lóðréttar færslur undanfarið ár á GPS-mælistöðinni Skipastígshraun í nágrenni Svartsengis. Sjá má hvernig land hefur sigið þegar kvikuhlaup urðu frá kvikuhólfinu undir Svartsengi í nóvember, desember, janúar, febrúar, 2. mars og 16. mars. Mælingin sýnir að þrýstingur í kvikuhólfinu er vaxandi og er nú hærri en á undan flestum þessum kvikuhlaupum....