Hver er munurinn á blóði froska og manna?

Nafn þitt

Netfang þitt

Netfang móttakanda

Ruslpóstvörn =

Svar

Hver er munurinn á blóði froska og manna?
Blóð gegnir mjög mikilvægu hlutverki þar sem það sér um að koma súrefni til vefja líkamans og losa þá við koltvíildi (einnig nefnt koltvíoxíð) þannig að þeir geti starfað eðlilega. Blóð samanstendur af vökva og frumum sem fljóta í vökvanum. En lífverur hafa ekki allar eins blóð.

Helsti munurinn á blóði froskdýra og spendýra, þar með talið manna, er sá að rauð blóðkorn froskdýra innihalda frumukjarna með erfðaefni. Þennan kjarna má sjá í smásjá sem svartan blett í miðju blóðkorninu. Rauðkorn spendýra eru hins vegar kjarnalaus og geta því ekki fjölgað sér með skiptingu eins og blóðkorn í froskdýrablóði. Þá er lögun rauðkornanna ekki alveg sú sama, í spendýrum eru þau disklaga með dæld báðum megin en rauðkorn froskdýra eru meira sporöskjulaga.

Annar munur á blóði froskdýra og spendýra er sá að í blóði spendýra eru blóðflögur sem ekki eru til staðar í froskablóði. Blóðflögur eru örsmáar agnir sem fljóta um í blóðvökvanum og gegna mikilvægu hlutverki við storknun blóðs.

Myndir:

• Frogrbc1000x.jpg. (Sótt 23.12.2019).
• Humanrbc1000x.jpg. (Sótt 23.12.2019).

...