Sólin Sólin Rís 06:45 • sest 20:20 í Reykjavík
Tunglið Tunglið Rís 06:12 • Sest 01:17 í Reykjavík
Flóð Flóð Árdegis: 08:13 • Síðdegis: 20:35 í Reykjavík
Fjaran Fjara Árdegis: 02:06 • Síðdegis: 14:23 í Reykjavík
Sólin Sólin Rís 06:45 • sest 20:20 í Reykjavík
Tunglið Tunglið Rís 06:12 • Sest 01:17 í Reykjavík
Flóð Flóð Árdegis: 08:13 • Síðdegis: 20:35 í Reykjavík
Fjaran Fjara Árdegis: 02:06 • Síðdegis: 14:23 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Vísindavefur Dagatal íslenskra vísindamanna Hvað hefur vísindamaðurinn Steffen Mischke rannsakað?

Flokkun:

4.9.2018
Vísindavefur Dagatal íslenskra vísindamanna
Hugvísindi Fornleifafræði
Náttúruvísindi og verkfræði Jarðvísindi

Hvað hefur vísindamaðurinn Steffen Mischke rannsakað?

Ritstjórn Vísindavefsins og Vísindafélag Íslands

Vísindafélag Íslendinga - 100 ára
Steffen Mischke er prófessor við Jarðvísindadeild Háskóla Íslands. Rannsóknir hans snúa að endurgerð umhverfis- og loftslagsþátta með því að nota eðlisfræðilega og efnafræðilega eiginleika setlaga og steingervinga sem í þeim finnast. Skilningur á umhverfis- og loftslagsbreytingum á síðustu ísöld er sérstaklega mikilvægur þegar kemur að því að meta yfirstandandi loftslagsbreytingar og breytingar á loftslagi af mannavöldum.

Steffen við sýnatökur úr rúmlega milljón ára gömlum setlögum sem innihalda verkfæri úr steini. Setlögin úr Nihewan-vatnasviðinu í Kína bera vitni um dreifingu manna mjög snemma um frekar köld svæði í Norðaustur-Asíu.

Steffen vinnur að mestu við rannsóknir á fjalllendi og þurrum svæðum þar sem loftslagsbreytingar hafa haft hvað mest áhrif fyrr á tímum. Ein rannsókn hans sýndi fram á að fyrir tveimur árþúsundum hefði orðið umhverfiskreppa af mannavöldum í Kína, svipuð og er í nútímanum, með uppþurrkun Aralvatns, eins stærsta stöðuvatns í heimi. Steffen tekur um þessar mundir einnig þátt í fornleifauppgreftri í Austurlöndum nær og Austur-Asíu. Doktorsnemi hans Jovana Alkalaj vinnur við rannsóknir á dreifingu og vistfræðilegu kjörlendi smárra krabbadýra sem kallast skeljakrabbar (Ostracoda) í íslenskum nútímastöðuvötnum, en þau gögn mætti nota til að meta áhrif mannvistar og atvinnustarfsemi á vistkerfi vatna.

Vinna við fornleifauppgröft á bökkum árinnar Jórdan í Ísrael. Hér fara fram rannsóknir á upphafi landbúnaðar á nýsteinöld og ein af þeim spurningum sem reynt verður að svara er hvort loftslagsbreytingar hafi stuðlað að breytingu á menningu?

Steffen er fæddur í Berlín í Þýskalandi árið 1969. Eftir nám í Berlín og Lanzhou í Kína lauk hann doktorsprófi frá Institute of Geological Sciences við Freie Universität Berlin árið 2001. Hann gegndi stöðu lektors við Freie Universität Berlin í sex ár, og varði svo ári sem vísindamaður við háskólann í Minnestoa. Síðan starfaði hann í fimm ár við háskólann í Potsdam með Heisenberg-rannsóknarstyrk áður en hann gekk til liðs við Háskóla Íslands í desember 2014. Steffen vinnur með vísindamönnum víðsvegar úr heiminum; frá Kína, Ísrael, Jórdaníu og Bretlandi. Hann starfar sem aðstoðarritstjóri Journal of Paleolimnology og situr í ritstjórn Palaeogeography Palaeoclimatology Palaeoecology.

Myndir:

  • Úr safni SM.

    • Höfundar

    Ritstjórn Vísindavefsins

    Ritstjórn Vísindavefsins

    Vísindafélag Íslands

    Vísindafélag Íslands

    Útgáfudagur

    4.9.2018

    Síðast uppfært

    13.9.2018

    Spyrjandi

    Ritstjórn

    Efnisorð

    Tilvísun

    Ritstjórn Vísindavefsins og Vísindafélag Íslands. „Hvað hefur vísindamaðurinn Steffen Mischke rannsakað?“ Vísindavefurinn, 4. september 2018, sótt 1. apríl 2025, https://visindavefur.is/svar.php?id=76275.

    Ritstjórn Vísindavefsins og Vísindafélag Íslands. (2018, 4. september). Hvað hefur vísindamaðurinn Steffen Mischke rannsakað? Vísindavefurinn. https://visindavefur.is/svar.php?id=76275

    Ritstjórn Vísindavefsins og Vísindafélag Íslands. „Hvað hefur vísindamaðurinn Steffen Mischke rannsakað?“ Vísindavefurinn. 4. sep. 2018. Vefsíða. 1. apr. 2025. <https://visindavefur.is/svar.php?id=76275>.

    Chicago | APA | MLA

    Tengd svör

    Skoða öll nýjustu svörin

    Þessi síða notar vafrakökur Nánari upplýsingar

    Ég samþykki

    Senda grein til vinar

    =

    Hvað hefur vísindamaðurinn Steffen Mischke rannsakað?
    Steffen Mischke er prófessor við Jarðvísindadeild Háskóla Íslands. Rannsóknir hans snúa að endurgerð umhverfis- og loftslagsþátta með því að nota eðlisfræðilega og efnafræðilega eiginleika setlaga og steingervinga sem í þeim finnast. Skilningur á umhverfis- og loftslagsbreytingum á síðustu ísöld er sérstaklega mikilvægur þegar kemur að því að meta yfirstandandi loftslagsbreytingar og breytingar á loftslagi af mannavöldum.

    Steffen við sýnatökur úr rúmlega milljón ára gömlum setlögum sem innihalda verkfæri úr steini. Setlögin úr Nihewan-vatnasviðinu í Kína bera vitni um dreifingu manna mjög snemma um frekar köld svæði í Norðaustur-Asíu.

    Steffen vinnur að mestu við rannsóknir á fjalllendi og þurrum svæðum þar sem loftslagsbreytingar hafa haft hvað mest áhrif fyrr á tímum. Ein rannsókn hans sýndi fram á að fyrir tveimur árþúsundum hefði orðið umhverfiskreppa af mannavöldum í Kína, svipuð og er í nútímanum, með uppþurrkun Aralvatns, eins stærsta stöðuvatns í heimi. Steffen tekur um þessar mundir einnig þátt í fornleifauppgreftri í Austurlöndum nær og Austur-Asíu. Doktorsnemi hans Jovana Alkalaj vinnur við rannsóknir á dreifingu og vistfræðilegu kjörlendi smárra krabbadýra sem kallast skeljakrabbar (Ostracoda) í íslenskum nútímastöðuvötnum, en þau gögn mætti nota til að meta áhrif mannvistar og atvinnustarfsemi á vistkerfi vatna.

    Vinna við fornleifauppgröft á bökkum árinnar Jórdan í Ísrael. Hér fara fram rannsóknir á upphafi landbúnaðar á nýsteinöld og ein af þeim spurningum sem reynt verður að svara er hvort loftslagsbreytingar hafi stuðlað að breytingu á menningu?

    Steffen er fæddur í Berlín í Þýskalandi árið 1969. Eftir nám í Berlín og Lanzhou í Kína lauk hann doktorsprófi frá Institute of Geological Sciences við Freie Universität Berlin árið 2001. Hann gegndi stöðu lektors við Freie Universität Berlin í sex ár, og varði svo ári sem vísindamaður við háskólann í Minnestoa. Síðan starfaði hann í fimm ár við háskólann í Potsdam með Heisenberg-rannsóknarstyrk áður en hann gekk til liðs við Háskóla Íslands í desember 2014. Steffen vinnur með vísindamönnum víðsvegar úr heiminum; frá Kína, Ísrael, Jórdaníu og Bretlandi. Hann starfar sem aðstoðarritstjóri Journal of Paleolimnology og situr í ritstjórn Palaeogeography Palaeoclimatology Palaeoecology.

    Myndir:

  • Úr safni SM.

    • ...