Hvernig mynduðust steindrangarnir tveir við Drangey?

Nafn þitt

Netfang þitt

Netfang móttakanda

Ruslpóstvörn =

Svar

Hvernig mynduðust steindrangarnir tveir við Drangey?
Hér er einnig svarað spurningunum:

• Hvaðan kemur nafnið á Drangey?
• Nú stendur sunnan við eyna Drangey í Skagafirði eyjan Kerling, sagan segir að önnur eyja hafi einhvern tíma verið norðan við eyna sem hét Karl. Svo ég spyr: er vitað hvenær Karlinn hrundi?

Drangey mun bera nafn af dröngum tveim, Karli og Kerlingu, norðan og sunnan við eyna. Nú stendur Kerling ein eftir, því Karl hrundi í jarðskjálftum sem urðu samfara Kötlugosinu 1755.

Drangey ásamt Þórðarhöfða og Ketubjörgum á Skaga eru úr móbergi (í víðum skilningi), rústir eldstöðva sem voru virkar á fyrri hluta ísaldar, fyrir um 2 milljónum ára; drangarnir tveir eru gosrásir fylltar basalti, líkt og Lóndrangar á Snæfellsnesi, en jöklar og sjór hafa nagað móbergið utan af. Á myndunartíma Drangeyjar var að líða undir lok virkni á svonefndu Skaga-gosbelti milli Langjökuls og Skaga sem hófst fyrir um 4 milljónum árum.

Þetta er jarðfræðilega skýringin á myndun Drangeyjar, Karls og Kerlingar. Til gamans má geta þess að eins og með mörg önnur fyrirbæri í náttúrunni er líka til þjóðsaga um Upptök Drangeyjar.

Mynd:

• Mats: Íslandsmyndasafn © Mats Wibe Lund. (Sótt 13. 3. 2017.

...