Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Hugvísindi Sagnfræði: Íslandssaga Hvenær fundust Vestmannaeyjar og hver fann þær?

Flokkun:

3.3.2008
Hugvísindi Sagnfræði: Íslandssaga

Hvenær fundust Vestmannaeyjar og hver fann þær?

ÞV

Í Landnámabók er meðal annars sagt frá því þegar Ingólfur Arnarson og Hjörleifur fóstbróðir hans fóru til Íslands þegar landið var óbyggt:
Hjörleifur tók land við Hjörleifshöfða, og var þar þá fjörður, og horfði botninn inn að höfðanum. Hjörleifur lét þar gera skála tvo, og er önnur tóftin átján faðma, en önnur nítján. Hjörleifur sat þar um veturinn.
Þrælar sem Hjörleifur hafði tekið á Írlandi á leiðinni hingað drápu hann og menn hans um vorið með klækjum og síðan segir:
Þrælarnir fóru í eyjar þær, er þeir sáu í haf til útsuðurs, og bjuggust þar fyrir um hríð.
Ingólfur hafði haft vetursetu í Ingólfshöfða en þrælar hans fundu síðan Hjörleif dauðan í Hjörleifshöfða. Ingólfur fór þá þangað vestur:
Ingólfur gekk þá upp á höfðann og sá eyjar liggja í útsuður til hafs; kom honum það í hug, að þeir mundu þangað hlaupið hafa, því að báturinn var horfinn; fóru þeir að leita þrælanna og fundu þá þar sem Eið heitir í eyjunum. Voru þeir þá að mat, er þeir Ingólfur komu að þeim. Þeir urðu felmtsfullir, og hljóp sinn veg hver. Ingólfur drap þá alla. ... Fleiri hljópu þeir fyrir berg, þar sem við þá er kennt síðan. Vestmannaeyjar heita þar síðan, er þrælarnir voru drepnir, því að þeir voru Vestmenn [Írar].
Samkvæmt þessari frásögn voru það írskir þrælar Hjörleifs sem stigu fyrstir manna fæti sínum í Vestmannaeyjar. Við eigum að vísu ekki að taka þessa sögu alveg bókstaflega en í henni gæti vel verið sannleikskjarni. Svo mikið er víst að Vestmannaeyjar eru þannig staðsettar að menn hafa séð þær og komið þangað mjög fljótlega eftir að landnám hófst. Það hefur því gerst á árunum um eða upp úr 870.


Loftmynd af Heimaey.

Margir sem komu til landsins frá Noregi hafa komið að landinu frá suðaustri og síðan siglt vestur með ströndinni í leit að höfn, en eins og kunnugt er er lítið um góðar hafnir á suðurströnd landsins. Þannig hafa margir af þeim sem komu fyrstir til landsins að minnsta kosti séð Vestmannaeyjar og siglt framhjá þeim, og sumir sjálfsagt komið þar við.

Heimild og mynd:

Þetta svar er í flokknum „bekkirnir spyrja“ þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.

Höfundur

Þorsteinn Vilhjálmsson

ÞV

Útgáfudagur

3.3.2008

Spyrjandi

Torfi Hrafn Ólafsson, f. 1995

Efnisorð

Tilvísun

ÞV. „Hvenær fundust Vestmannaeyjar og hver fann þær?“ Vísindavefurinn, 3. mars 2008, sótt 21. nóvember 2024, https://visindavefur.is/svar.php?id=7135.

ÞV. (2008, 3. mars). Hvenær fundust Vestmannaeyjar og hver fann þær? Vísindavefurinn. https://visindavefur.is/svar.php?id=7135

ÞV. „Hvenær fundust Vestmannaeyjar og hver fann þær?“ Vísindavefurinn. 3. mar. 2008. Vefsíða. 21. nóv. 2024. <https://visindavefur.is/svar.php?id=7135>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Hvenær fundust Vestmannaeyjar og hver fann þær?
Í Landnámabók er meðal annars sagt frá því þegar Ingólfur Arnarson og Hjörleifur fóstbróðir hans fóru til Íslands þegar landið var óbyggt:

Hjörleifur tók land við Hjörleifshöfða, og var þar þá fjörður, og horfði botninn inn að höfðanum. Hjörleifur lét þar gera skála tvo, og er önnur tóftin átján faðma, en önnur nítján. Hjörleifur sat þar um veturinn.
Þrælar sem Hjörleifur hafði tekið á Írlandi á leiðinni hingað drápu hann og menn hans um vorið með klækjum og síðan segir:
Þrælarnir fóru í eyjar þær, er þeir sáu í haf til útsuðurs, og bjuggust þar fyrir um hríð.
Ingólfur hafði haft vetursetu í Ingólfshöfða en þrælar hans fundu síðan Hjörleif dauðan í Hjörleifshöfða. Ingólfur fór þá þangað vestur:
Ingólfur gekk þá upp á höfðann og sá eyjar liggja í útsuður til hafs; kom honum það í hug, að þeir mundu þangað hlaupið hafa, því að báturinn var horfinn; fóru þeir að leita þrælanna og fundu þá þar sem Eið heitir í eyjunum. Voru þeir þá að mat, er þeir Ingólfur komu að þeim. Þeir urðu felmtsfullir, og hljóp sinn veg hver. Ingólfur drap þá alla. ... Fleiri hljópu þeir fyrir berg, þar sem við þá er kennt síðan. Vestmannaeyjar heita þar síðan, er þrælarnir voru drepnir, því að þeir voru Vestmenn [Írar].
Samkvæmt þessari frásögn voru það írskir þrælar Hjörleifs sem stigu fyrstir manna fæti sínum í Vestmannaeyjar. Við eigum að vísu ekki að taka þessa sögu alveg bókstaflega en í henni gæti vel verið sannleikskjarni. Svo mikið er víst að Vestmannaeyjar eru þannig staðsettar að menn hafa séð þær og komið þangað mjög fljótlega eftir að landnám hófst. Það hefur því gerst á árunum um eða upp úr 870.


Loftmynd af Heimaey.

Margir sem komu til landsins frá Noregi hafa komið að landinu frá suðaustri og síðan siglt vestur með ströndinni í leit að höfn, en eins og kunnugt er er lítið um góðar hafnir á suðurströnd landsins. Þannig hafa margir af þeim sem komu fyrstir til landsins að minnsta kosti séð Vestmannaeyjar og siglt framhjá þeim, og sumir sjálfsagt komið þar við.

Heimild og mynd:

Þetta svar er í flokknum „bekkirnir spyrja“ þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur....