Vísindavefurinn: Er það rétt að skógar á norðurslóðum bindi bara brot af því kolefni sem skógar í hitabeltinu gera?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Segja má að spurningin sé tvíþætt: Er nú þegar bundið meira kolefni í skógum hitabeltisins en í norðlægum skógum? Eru hitabeltisskógarnir mikilvirkari í nýbindingu en skógar á norðurslóðum?

Varðandi geymslu kolefnis er talið að í öllum skógum heimsins séu bundin um 283 gígatonn (Gt) af kolefni (skýrsla FAO 2006). Stór hluti þessa kolefnis eða um 65-70% er bundið í skógum í Suður-Ameríku, Afríku og Asíu. Það telst því rétt að í skógum hitabeltisins er mun meira kolefni bundið en í skógum á norðurslóðum svo sem í Evrópu og Norður-Ameríku.

Hitabeltisskógar, eins og þessi skógur í Ekvador, binda meira kolefni en skógar á norðurslóðum.

Varðandi nýbindingu má benda á að vegna hlýrra loftslags í hitabeltinu er hringrás kolefnis almennt hraðari þar en á norðlægum slóðum. Tré í hitabeltinu vaxa hraðar og binda þar með kolefni hraðar. Á móti kemur að öndun og rotnun, það er þau ferli sem valda því að kolefni losnar aftur út í andrúmsloftið, eru líka hraðari. Því er óhætt að segja að umsetning (turnover) kolefnis sé hraðari í hitabeltinu en á norðurslóðum.

Svarið er því að hitabeltisskógur bæði geymir meira kolefni en norðurslóðaskógur og er einnig stórvirkari í nýbindingu.

Frekari fróðleikur á Vísindavefnum:

Hvað þarf að gróðursetja mörg tré til að vinna gegn koltvíoxíðsmengun eins bíls? eftir Brynhildi Bjarnadóttur
Hver er munurinn á frumskógi og regnskógi? eftir Jón Má Halldórsson
Hvernig líta regnskógar út? eftir Jón Má Halldórsson
Af hverju er eyðing skóga talin vera alvarlegt vandamál? eftir Þröst Eysteinsson
Hvernig stendur á eyðingu regnskóga og hvaða áhrif hljótast af henni? eftir Jón Má Halldórsson
Hvernig geta plöntur breytt koltvíoxíði í súrefni? eftir Kesöru Anamthawat-Jónsson

Heimild og mynd:

Global Forest Resources Assessment 2005. Progress towards sustainable forest management. FAO, 2006.
Amazone rainforest, Yasuni National Park, Ecuador - Flickr. Höfundur myndar Peter Prokosch. Birt undir Creative Commons Attribution-NonCommercial-ShareAlike 2.0 Generic (CC BY-NC-SA 2.0) leyfi. (Sótt 21.3.2023).

Senda grein til vinar

Sendu inn spurningu

Er það rétt að skógar á norðurslóðum bindi bara brot af því kolefni sem skógar í hitabeltinu gera?

Höfundur

Útgáfudagur

Síðast uppfært

Spyrjandi

Efnisorð

Tilvísun

Senda grein til vinar

Sendu inn spurningu

Er það rétt að skógar á norðurslóðum bindi bara brot af því kolefni sem skógar í hitabeltinu gera?

Höfundur

Útgáfudagur

Síðast uppfært

Spyrjandi

Efnisorð

Tilvísun

Deila

Senda grein til vinar