Er hætta á því að jörðin sogist að sólinni og springi?

Nafn þitt

Netfang þitt

Netfang móttakanda

Ruslpóstvörn =

Svar

Er hætta á því að jörðin sogist að sólinni og springi?
Nei, svo lengi sem jörðin og aðrar reikistjörnur halda hraða sínum, þá eru þær á sporbaugshreyfingu umhverfis sólina en falla ekki að henni.

Sólkerfið okkar varð til fyrir um fimm milljörðum ára þegar risastórt gas- og rykský fór að falla saman. Skýið var í upphafi á örlitlum snúningi sem magnaðist þegar það féll saman. Við sjáum það sama gerast hjá skautadansara sem snýst í hringi á svelli, þegar hann dregur að sér hendurnar eykur hann hraðann. Í eðlisfræði kallast þetta varðveisla hverfiþunga.

Stærstur hluti hverfiþungans er núna fólginn í brautarhreyfingum reikistjarnanna um sólina.

Ef við ímyndum okkur að sólin mundi skyndilega hverfa þá mundi jörðin, og allir aðrir hnettir í sólkerfinu, hreyfast eftir beinni línu með jöfnum hraða. Við mundum þá bara rjúka eitthvert út í geim! En þar sem sólin er til staðar þá hreyfist jörðin ekki eftir beinni línu heldur snýst umhverfis hana. Það er þess vegna þyngdarafl sólarinnar sem heldur jörðinni á sporbaug sínum!

Mynd:

• Getur Plútó rekist á Neptúnus? (Sótt 26.02.2013).

...