Hvers konar hljóð gefur minkurinn frá sér?

Nafn þitt

Netfang þitt

Netfang móttakanda

Ruslpóstvörn =

Svar

Hvers konar hljóð gefur minkurinn frá sér?
Minkurinn gefur að jafnaði ekki frá sér mikið af hljóðum en þegar hann er æstur, hræddur eða kvalinn getur hann gefið frá sér eftirtalin hljóð:

• Hvæs: stutt og kraftlítið hljóð sem aðallega karldýr gefa frá sér þegar þeim er ógnað. Hvæsið er um 0,8 sekúndur að lengd og tíðni þess er 0,6 kHz.
• Öskur: flókið, mislangt ógnandi hljóð, að meðaltali 1 sekúnda að lengd, sem minkurinn notar í vörn. Styrkurinn fer upp í 20 desíbel (dB) og tíðnin rís snögglega úr 0,15 upp í 0,325 kHz með yfirtónum upp í 2 kHz.
• Ískur: tengist yfirleitt sársauka eða hræðslu dýranna. Þessi hljóð eru stutt eða um 0,05-0,3 sekúndur að lengd og ískrið myndar stakkatóhviður. Tíðnin rís og fellur skyndilega og tíðnin fer upp í 0,65 kHz.

Minkar gefa einnig frá sér ýmis hljóð þegar þeir eru í tímgunarástandi. Karldýrin gefa frá sér sérstakt hláturkjölt þegar þeir vilja ná sambandi við kvendýrin og tímguninni fylgja mikil læti.

Minkurinn gefur að jafnaði ekki frá sér mikið af hljóðum.

Heimild:

• Dunstone, N. 1993. The mink. T & AD Poyser Ltd. London.

Mynd:

• Harrow natural history society. Sótt 6. 7.2011.

...