Ef það kemur kreppa af hverju eru þá ekki bara prentaðir fleiri peningar?

Nafn þitt

Netfang þitt

Netfang móttakanda

Ruslpóstvörn =

Svar

Ef það kemur kreppa af hverju eru þá ekki bara prentaðir fleiri peningar?
Í fljótu bragði mætti ætla að þetta væri góð lausn á peningavandræðum fólks en ástæðan fyrir því aukin prentun peninga leysir ekki vandamál sem skapast í kreppu er sú að peningar eru í sjálfu sér gagnslausir. Það er til dæmis ekki hægt að borða þá eða nota þá í staðinn fyrir fötin sem við klæðumst vanalega.

Ef prentaðir eru fleiri peningar búa menn ekki til raunveruleg verðmæti heldur aðeins fleiri pappírsmiða og myntir sem duga til að kaupa verðmæti sem fólk framleiðir. Í svari Gylfa Magnússonar við spurningunni Ef Ísland vantar peninga af hverju framleiðum við þá bara ekki peninga? - Myndband segir að afleiðingin af aukinni peningaprentun „verður líklega einkum sú að það þarf meira af peningum til að kaupa hvern einstakan hlut en áður. Það verður hins vegar ekki til neitt meira af hlutum og þjónustu en áður og því verður ekki hægt að kaupa neitt meira en áður.“

Það sem gerist þá er að verð á vörum og þjónustu hækkar og það kallast verðbólga.

Hægt er að lesa meira um peninga og kreppu í eftirfarandi svörum:

• Hver fann upp peningana? eftir Gylfa Magnússon
• Hvað myndi gerast ef gjaldmiðill eins og peningar yrði að öllu leyti lagður niður? eftir Gylfa Magnússon
• Hvað er kreppa? eftir Gylfa Magnússon
• Hvað er fjármálakreppa? eftir Gylfa Magnússon

Mynd:

Money Suburb - flickr.com. Myndrétthafi Pictures of Money. Birt undir Creative Commons-leyfi. (Sótt 15. 7. 2016).

---

Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.

...