Hvað gerist ef kolkrabbi missir einn arm?

Nafn þitt

Netfang þitt

Netfang móttakanda

Ruslpóstvörn =

Svar

Hvað gerist ef kolkrabbi missir einn arm?
Kolkrabbar hafa ýmsa eiginleika sem nýtast þeim í að lifa af í sjónum. Þeir geta meðal annars losað sig við einn af átta örmum sínum til að villa um fyrir rándýri. Með tímanum vex armurinn svo aftur; kolkrabbarnir bíða því ekki varanlegan skaða af því að missa einn arm.

Einna þekktastir eru kolkrabbarnir fyrir blekárásir sínar. Þegar hætta steðjar að geta þeir spúið frá sér bleki og þannig unnið sér inn dýrmætan tíma til að forðast óvini. Blekið getur einnig deyft lyktarskyn en fjölmörg dýr treysta á það við leit sína að bráð.

Annar merkilegur eiginleiki er dulbúningur kolkrabbans. Á einu augabragði getur hann breytt um lit og jafnvel áferð. Kolkrabbinn nær þannig að verjast grunlausum hákörlum og öðrum rándýrum sem hugsa sér gott til glóðarinnar.

Kolkrabbar geta dulbúist einstaklega vel.

Kolkrabbinn syndir auk þess hratt og getur falið sig á ólíklegustu stöðum þrátt fyrir alla arma sína. Hann er mjög sveigjanlegur og hefur aðeins einn harðan líkamshluta, sem er goggurinn.

Frekara lesefni á Vísindavefnum:

• Hvað hafa kolkrabbar marga arma? eftir Margréti Björk Sigurðardóttur
• Er það satt að kolkrabbar séu ekki með rautt blóð? eftir Jón Má Halldórsson
• Eru til eitraðir kolkrabbar við Ísland? eftir Jón Má Halldórsson

Heimild og mynd:

• National Geographic - Common Octupuses
• Divetime.com - video

...