Vísindavefurinn: Hvaða skilyrði þarf að uppfylla til þess að starfa við verðbréfaviðskipti?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Samkvæmt lögum um fjármálafyrirtæki frá árinu 2002 og reglugerð um próf í verðbréfaviðskiptum frá árinu 2003 þurfa þeir starfsmenn fjármálafyrirtækis, sem hafa umsjón með daglegri starfsemi í tengslum við viðskipti með fjármálagerninga samkvæmt 6. tölulið 1. málsgreinar 3. greinar laga um fjármálafyrirtæki, að hafa staðist próf í verðbréfaviðskiptum. Hér er um að ræða eftirfarandi starfsemi:

Viðskipti og þjónusta með fjármálagerninga samkvæmt lögum um verðbréfaviðskipti:

Móttaka og miðlun fyrirmæla frá viðskiptavinum um einn eða fleiri fjármálagerninga og framkvæmd slíkra fyrirmæla fyrir reikning þriðja aðila.
Eignastýring, samanber lög um verðbréfaviðskipti.
Sölutrygging í tengslum við útgáfu eins eða fleiri fjármálagerninga eða markaðssetning slíkrar útgáfu.
Umsjón með útboði verðbréfa.

Einungis þeir sem hafa umsjón með starfseminni þurfa að hafa staðist prófið, ekki einstakir starfsmenn sem undir þá heyra. Það er því hægt að starfa við verðbréfaviðskipti án þess að hafa lokið prófinu ef það er gert hjá fjármálafyrirtæki sem hefur til þess leyfi og undir stjórn einstaklings sem hefur lokið þessu prófi.

Kauphöllin í New York.

Í reynd mun algengast að þeir sem við þetta starfa hafi lokið háskólaprófi, oftast í viðskiptafræði, og margir þeirra hafa auk þess staðist próf í verðbréfaviðskiptum.

Í fyrrnefndri reglugerð er námsefni til prófs og fyrirkomulagi prófanna lýst nánar. Meðal annars kemur þar fram að þeir sem eru viðskiptafræðingar eða lögfræðingar þurfa einungis að taka hluta þeirra prófa sem aðrir þurfa að taka. Ýmsir aðilar hafa boðið upp á námskeið til undirbúnings prófi í verðbréfaviðskiptum, þar á meðal Endurmenntun Háskóla Íslands.

Frekara lesefni á Vísindavefnum:

Hvort er betra að fara í viðskiptafræði eða hagfræði ef maður hefur áhuga á að verða löggiltur endurskoðandi? eftir Gylfa Magnússon
Hver er munurinn á hagfræði og viðskiptafræði? eftir Gylfa Magnússon
Hvaða braut þarf ég að fara á í menntaskóla til þess að komast inn í Viðskipta- og hagfræðideild Háskóla Íslands? eftir Gylfa Magnússon

Mynd:

Wikipedia.com. Sótt 14.10.2010.

Senda grein til vinar

Sendu inn spurningu

Hvaða skilyrði þarf að uppfylla til þess að starfa við verðbréfaviðskipti?

Höfundur

Útgáfudagur

Spyrjandi

Efnisorð

Tilvísun

Senda grein til vinar

Sendu inn spurningu

Hvaða skilyrði þarf að uppfylla til þess að starfa við verðbréfaviðskipti?

Höfundur

Útgáfudagur

Spyrjandi

Efnisorð

Tilvísun

Deila

Senda grein til vinar