Hvernig eru lyklaborðin á tölvunum í Kína, Japan og þeim löndum sem hafa aðra leturgerð en við?

Nafn þitt

Netfang þitt

Netfang móttakanda

Ruslpóstvörn =

Svar

Hvernig eru lyklaborðin á tölvunum í Kína, Japan og þeim löndum sem hafa aðra leturgerð en við?
Kínverjar, Japanar, Kóreubúar og fleiri þjóðir nota aðra leturgerð en við. Í staðinn fyrir bókstafi nota þeir ýmist myndletur eða atkvæðaskrift. Í þessum málum geta verið mörg þúsund tákn. Í kínversku eru til dæmis um 30.000 tákn, og veldur það augljóslega vandræðum við hönnun lyklaborða fyrir þessi mál. Að hanna lyklaborð með lyklum fyrir hvert einasta tákn væri fásinna.

Tölvuframleiðendur hafa þess vegna þróað alls kyns forritunarlausnir sem gera það kleift að notast við venjuleg lyklaborð. Lyklaborðin eru afar svipuð að stærð og útliti og þau sem við eigum að venjast og stundum eru einnig á þeim latneskir bókstafir. Einnig er hægt að fá lyklaborð sem aðeins innihalda atkvæðatákn.

Framleiðendur Windows gluggakerfisins nota svonefndan Input Method Editor eða IME til að skrifa myndletur eða atkvæðaskrift. Forritið býður upp á nokkra möguleika, meðal annars þekkir það handskrifuð tákn og einnig er hægt að skrifa latneska bókstafi sem síðan eru þýddir yfir í atkvæði eða orð á skjánum. Forritið reynir síðan að finna rétta táknið fyrir atkvæðið eða orðið. Ef fleiri en eitt tákn kemur til greina eru þau birt og notandinn getur síðan valið á milli þeirra.

Með þessum aðferðum er hægt að skrifa mörg þúsund tákn með því að nota eingöngu venjulegt lyklaborð.

Frekara lesefni af Vísindavefnum:

• Af hverju eru stafirnir á lyklaborðinu settir upp eins og þeir eru? eftir Vigni Má Lŷðsson
• Hvað er tölva? eftir Hjálmtý Hafsteinsson
• Hvers vegna er bókstafurinn F fyrir framan tölustafina 1-12 efst á lyklaborðinu? eftir Einar Örn Þorvaldsson
• Hvers vegna eru tveir enter-takkar á lyklaborðum? eftir EÖÞ
• Hvað merkir Gr á Alt Gr-hnappinum á lyklaborðinu? eftir JGÞ

Heimild:

• Vefsíða Microsoft

Mynd af japönsku lyklaborði með latneskum stöfum er fengin af vefsetrinu www.cyrillic.com...