Vísindavefurinn: Eru til pillur sem halda hundaofnæmi í skefjum?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Andhistamín, er hópur lyfja, sem við Íslendingar köllum rangnefninu ofnæmistöflur. Andhistamín keppa um sæti á svo kölluðum histamín-viðtækjum við histamín, sem er eitt aðalboðefnið við ofnæmisviðbrögð og veldur miklum roða, kláða og bjúg í húðinni og bjúg og samdrætti í sléttum vöðvum í innri líffærum.

Andhistamín-lyf komu á markað fljótlega eftir heimsstyrjöldina síðari. Tekin í nægu magni draga þau mjög úr einkennum af ofnæmi. Þessi eldri andhistamín-lyf, sem nú kallast fyrsta kynslóð lyfjanna, hafa þann ágalla að valda svefndrunga og eru því merkt með rauðum þríhyrningi. Önnur kynslóð þessara lyfja er hins vegar laus við þennan ágalla og flestir þola þau yfirleitt mjög vel.

Histamín er eitt af þeim efnum sem líkaminn myndar í ofnæmisviðbragði og veldur meðal annars kláða í nefi og augum. Andhistamín-lyf eru gjarnan notuð til þess að draga úr þessum einkennum.

Andhistamín-lyf draga verulega úr einkennum við dýraofnæmi, sérstaklega einkennum frá nefi, augum og húð, en þau hafa minni áhrif á astma. Einkenni ofnæmis fyrir hundum eru yfirleitt minni en fyrir köttum og því duga andhistamín-lyf betur við ofnæmi fyrir hundum. Oft þarf þó að bæta við öðrum lyfjum, til dæmis steraúða í nefið og astmalyfjum.

Frekari fróðleikur á Vísindavefnum:

Af hverju fær maður ofnæmi? eftir Helgu Ögmundsdóttur
Þegar fólk fær ofnæmi er það þá vegna einhvers sem gerist í líkama þeirra á vissum aldri eða bara allt í einu? eftir JGÞ
Er hægt að lækna ofnæmi þannig að það komi aldrei aftur? eftir Davíð Gíslason
Hvers vegna valda dýr ofnæmisáhrifum og er hægt að hafa ofnæmi fyrir feldi af sel? eftir Davíð Gíslason
Hvað er sjálfsofnæmi? eftir Magnús Jóhannsson
Er fæðuofnæmi algengt? eftir Magnús Jóhannsson

Mynd:

Gold Country Honey. Sótt 26. 1. 2011.

Senda grein til vinar

Sendu inn spurningu

Eru til pillur sem halda hundaofnæmi í skefjum?

Höfundur

Útgáfudagur

Spyrjandi

Efnisorð

Tilvísun

Senda grein til vinar

Sendu inn spurningu

Eru til pillur sem halda hundaofnæmi í skefjum?

Höfundur

Útgáfudagur

Spyrjandi

Efnisorð

Tilvísun

Deila

Senda grein til vinar