Ég er að gera ritgerð um múslimakonur og mig vantar að vita í hvaða bækur ég get helst sótt heimildir?

Nafn þitt

Netfang þitt

Netfang móttakanda

Ruslpóstvörn =

Svar

Ég er að gera ritgerð um múslimakonur og mig vantar að vita í hvaða bækur ég get helst sótt heimildir?
Á Vísindavefnum er að finna svar Kristínar Loftsdóttur við spurningunni:

• Hvers vegna eru konur íslamstrúar svona kúgaðar í klæðaburði og hversdagslífi?

en það fjallar um konur og íslamstrú. Þeim sem nota svör af Vísindavefnum sem heimildir í ritgerðum, svo og annað efni af Netinu, er bent á svar Önnu Vilhjálmsdóttur og Þorsteins Vilhjálmssonar við spurningunni:

• Hvernig á að vísa í svör á Vísindavefnum?

Á Landsbókasafni Íslands – Háskólabókasafn er hægt að finna nokkrar bækur um múslimakonur. Hér fyrir neðan birtum við bókfræðiupplýsingar um þrjár þeirra auk útskýringa á innihaldi:

• Kahf, Mohja, Western Representations of the Muslim Woman, University of Texas Press, Austin 1999. - Bók sem fjallar um það hvaða augum Vesturlandabúar líta íslamskar konur.
• Bodman, Herbert L. og Tohidi, Nayereh (ritstj.), Women in Muslim Societies, Lynne Rienner Publishers, Boulder, Colorado 1998. - Greinasafn um konur í fjölmörgum ríkjum þar sem íslamstrú er ríkjandi.
• Jawad, H. A., The Rights of Women in Islam, Macmillan, New York 1998. - Bók sem fjallar sérstaklega um kvenréttindi og félagslegar aðstæður kvenna í íslömskum ríkjum.

Hægt er að finna fleiri bækur með því að leita í skrám safnsins sem eru aðgengilegar á netinu undir heitinu gegnir.is.

Með því að skrá inn leitarorðin 'muslim women' er hægt að sjá allar þær bækur sem eru skráðar í gagnagrunn safnsins og innihalda efnisorðin 'múslimar' og 'konur'. Þannig leit gefur 49 leitarniðurstöður.

Á íslensku er einnig til almenn bók um íslamstrú sem ætti að vera til á flestum bókasöfnum:

• Jón Ormur Halldórsson, Islam: Saga pólitískra trúarbragða, Heimskringla, háskólaforlag Máls og menningar, Reykjavík 1993.

Hægt er að fræðast meira um íslamstrú á Vísindavefnum, meðal annars í svörum við spurningunum:

• Hver er munurinn á súnnítum og sjíta-múslimum? eftir Harald Ólafsson.
• Hvernig fer passaskoðun fram þegar strangtrúaðar múslimakonur með blæju fyrir andlitinu eiga í hlut? eftir Helgu Sverrisdóttur.

Mynd:

• Salt alumni. Sótt 17.10.2003.

...