Vísindavefurinn: Er ekki hægt að tvöfalda lyftikraft flugvélavængs með því að tvöfalda flapa að framan?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Gert er ráð fyrir að spurt sé hvort tvöfalda megi lyftikraft flugvélarvængs með flöpum sem tvöfalda yfirborð vængjarins. Það ætti að vera mögulegt, en þó ekki hagkvæmasta leiðin.

Búnaður til að auka lyftigetu vængja er gjarnan notaður þegar fljúga þarf flugvél á tiltölulega lágum hraða, einkum við flugtak eða lendingu. Aukinni lyftigetu er oftast náð með einum eða fleiri af eftirfarandi möguleikum: Notkun flapa við afturbrún vængs, notkun flapa við frambrún vængs (eins og hér er spurt um) og myndun raufa milli aðalvængs og flapa.

Flapar eru eins konar framlenging vængjanna og þjóna því meginhlutverki að stækka yfirborð þeirra og auka þannig lyftigetuna. Þeir veita einnig töluvert viðnám vegna stærðar sinnar og hjálpa þannig til við að hægja á flugvélinni. Þegar flaparnir renna út myndast oft raufar milli þeirra og vængjanna. Þær eru hannaðar þannig að loftið sem streymir um þær hefur bætandi áhrif á heildarloftstraum um vænginn og eykur þannig lyftikraft hans.

Á algengum farþegaþotum má til dæmis ná fram tvöföldun á lyftigetu vængs með hinum þremur fyrrnefndu aðferðum, það er notkun flapa að framan og aftan og myndun raufa. Með því móti þarf yfirborð vængsins ekki að tvöfaldast og er algengt að það stækki um 30-40%. Það er því ljóst að ná má tvöföldun lyftigetu með mun minni fyrirhöfn og tilkostnaði heldur en að tvöfalda vængyfirborð eins og hér er spurt um. Slíkt er mögulegt en líklega ekki hagkvæmt.

Frekara lesefni af Vísindavefnum:

Hvað þarf mikið bensín í flugferð til Spánar? eftir Tryggva Þorgeirsson
Hvernig getur sviffluga haldist á lofti og flogið? eftir Tryggva Þorgeirsson
Hvað er flugvél lengi að fljúga kringum jörðina? eftir Snorra Björn Gunnarsson
Hver er stærsta flugvél í heiminum? eftir Trausta Sæmundsson

Senda grein til vinar

Sendu inn spurningu

Er ekki hægt að tvöfalda lyftikraft flugvélavængs með því að tvöfalda flapa að framan?

Höfundar

Útgáfudagur

Spyrjandi

Efnisorð

Tilvísun

Senda grein til vinar

Sendu inn spurningu

Er ekki hægt að tvöfalda lyftikraft flugvélavængs með því að tvöfalda flapa að framan?

Höfundar

Útgáfudagur

Spyrjandi

Efnisorð

Tilvísun

Deila

Senda grein til vinar