Gætu mörgæsir búið í Bolungarvík?

Nafn þitt

Netfang þitt

Netfang móttakanda

Ruslpóstvörn =

Svar

Gætu mörgæsir búið í Bolungarvík?
Öll spurningin hljóðaði svona:

Af hverju þurfa mörgæsir að lifa í kulda? Gætu þær búið í Bolungarvík?

Mörgæsir þurfa alls ekki að lifa í kulda. Ólíkt því sem margir halda þá lifa mörgæsir ekki aðeins á köldum úthafseyjum suðurhafanna og á Suðurskautslandinu, heldur finnast stofnar einnig á Nýja-Sjálandi, í Suður-Afríku, Namibíu (við rætur eyðimerkur) og í Suður-Ameríku, þar sem getur verið mun hlýrra en við Íslandsstrendur.

Það sem skiptir mörgæsir meira máli en hitastigi er aðgengi að sjó. Mörgæsir eru ákaflega vel aðlagaðar að lífi í og við sjó. Vaxtarlagi þeirra er þannig háttað að þær hafa mjög mikla fitu undir skinni og smjúga vel um vatnsmassann auk þess sem þær hafa tapað hæfileikanum til flugs. Þær fá líka alla sína fæðu úr hafinu.

Hvort mörgæsir geti lifað í Bolungarvík er ekki gott að segja. Sjálfsagt er það ekki útilokað þar sem mörgæsir þola vel kalda veðráttu og ríkuleg fiskimið í Ísafjarðardjúpi gætu örugglega framfleytt stórri mörgæsabyggð. Það er þó ekki hægt að svara spurningunni með afgerandi hætti þar sem ekki hafa verið gerðar tilraunir með slíkt landnám mörgæsa í íslenskri náttúru. Afar ólíklegt verður að teljast að menn leggi í tilraunamennsku af þessu tagi hér á landi.

Myndir:

• Penguin range.png - Wikimedia Commons. (Sótt 7.12.2020).
• Penguins at Boulders Beach 2018 05.jpg - Wikimedia Commons. Höfundur myndar: Jopparn. Birt undir Creative Commons Attribution-Share Alike 4.0 International leyfi. (Sótt 7.12.2020).

...