Vita vísindamenn hvar stærsta risasvarthol alheimsins er og hversu stórt það er?

Nafn þitt

Netfang þitt

Netfang móttakanda

Ruslpóstvörn =

Svar

Vita vísindamenn hvar stærsta risasvarthol alheimsins er og hversu stórt það er?
Það er erfitt að segja hvaða risasvarthol er það stærsta sem mælst hefur. Mismunandi aðferðum er beitt til að mæla massa svarthola og óvissan sem er fólgin í mælingum er mismikil. Stundum gefa jafnvel mismunandi mæliaðferðir misvísandi svör. En það er engu að síður ljóst að allra stærstu svartholin sem fundist hafa eru nokkrir tugir milljarða sólmassa (sjá lista hér). Stærð svartholsins er í beinu hlutfalli við massann svo hana er auðvelt að reikna út frá svonefndri Schwarzschild-jöfnu:

$$R_{s} = \frac{2GM}{c^{2}}$$

Þar sem R_s er radíusinn, M er massinn, G er þyngdarfastinn og c ljóshraðinn. Ef við gefum okkur að risasvartholið í dulstirninu TON 618 sé það stærsta, þá gefa 66 milljarðar sólmassa um 2600 stjarnfræðieiningar í þvermál eða 400 milljarðar kílómetra. Sólkerfið okkar út að braut Plútós myndi komast fyrir 32 sinnum hlið við hlið inni í risasvartholinu TON 618. Ef við kæmumst á geimskipi inn fyrir sjóndeild risasvarthols gætum við slappað af í rólegheitum og skoðað okkur um og þyrftum ekki að óttast að breytast í spagettí og eyðast fyrr en komið er nær miðjunni. Við gætum hins vegar aldrei komist út aftur.

Mynd:

• Wikipedia. List of most massive black holes. (Sótt 11.10.2019).

Upphaflega hljóðaði spurningin svona:

Hversu stórt er stærsta svarthol í heiminum?

...