Hvenær var fyrsta geimskipið búið til?

Nafn þitt

Netfang þitt

Netfang móttakanda

Ruslpóstvörn =

Svar

Hvenær var fyrsta geimskipið búið til?
Fyrsta geimfarið var smíðað um 1960 og skotið á loft þann 12. apríl 1961. Það hét Vostok 1 og var hluti af Vostok-áætlun Sovétmanna. Um borð var sovéski geimfarinn Júríj Alexejevítsj Gagarín (1934-1968). Orðið vostok þýðir 'austur' eða 'Austurlönd'.

Áður höfðu Sovétmenn skotið á loft fyrsta gervitunglinu sem fór á braut um jörðu. Það hét Spútnik 1 og fór á loft þann 4. október 1957. Rússneska orðið spútnik þýðir 'samferðamaður'. Gervitungl eru farkostir sem skotið er á braut um jörðu eða aðrar reikistjörnur til könnunar.

Júríj Gagarín var þó ekki fyrsti jarðarbúinn sem fór í geimferð því tíkin Laika var um borð í Spútnik 2 sem fór á loft 3. nóvember 1957 eins og lesa má um í svari við spurningunni: Hefur hundur farið til tunglsins? Hún dó skömmu eftir flugtak vegna ofhitnunar og hræðslu.

Mynd:

• File:Gagarin Capsule.jpg - Wikipedia, the free encyclopedia. (Sótt 7.02.2013).

---

Þetta svar er í flokknum „bekkirnir spyrja“ þar sem starfsfólk vefsins svarar spurningum frá grunnskólabekk. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur....