Er það Júpíter sem skín svona skært á morgunhimninum núna?

Nafn þitt

Netfang þitt

Netfang móttakanda

Ruslpóstvörn =

Svar

Er það Júpíter sem skín svona skært á morgunhimninum núna?
Það er ekki Júpíter heldur Venus sem hefur skinið skært í suðaustri á morgnana undanfarnar vikur og vakið athygli margra. Sýningin nær hámarki 2.-4. desember (2018) þegar tunglið verður skammt frá í birtingu.

Tunglið er sigðarlaga og minnkandi og nálgast sólina þangað til það verður nýtt föstudaginn 7. desember. Eftir það fer það vaxandi á kvöldhimninum. Tunglið verður fullt 22. desember og þar sem tunglmánuðurinn er 29 dagar, verður sýningin endurtekin í ársbyrjun 2019.

Í sjónauka má sjá að Venus er líka sigðarlaga en vaxandi (um 25% upplýst), öfugt við tunglið. Ef vel er að gáð sést að Venus hefur fölgulan lit. Hann má rekja til brennisteins í skýjaþykkni reikistjörnunnar. Á yfirborðinu er um 480 stiga hiti vegna gróðurhúsaáhrifa.

Birta Venusar nær hámarki í nú byrjun desember. Hún fer dofnandi eftir það á sama tíma og hún fjarlægist sólina á himninum. Hinn 6. janúar 2019 verður Venus lengst í vestri frá sólu á himninum, þá hálf-upplýst frá okkur séð. Eftir það lækkar Venus hægt og rólega á himni og hverfur á endanum í birtu sólar þegar kemur fram í febrúar.

Venus var milli jarðar og sólar 26. október síðastliðinn. Reglan er sú að 72 dögum eftir það (kallað innri samstaða), nær Venus mestu álengd, það er kemst lengst frá sólu á himninum.

Forngrikkir kölluðu kvöldstjörnuna Venus Hesperus en Fosfórus þegar hún ríkti á morgunhimninum. Hesperus snýr aftur á morgunhiminninn að ári, í lok desember 2019.

---

Þetta svar og myndin sem því fylgir er fengið af Stjörnufræðivefnum og birt með góðfúslegu leyfi.

...