Hvað eru skilningarvitin mörg og hvað heita þau?

Nafn þitt

Netfang þitt

Netfang móttakanda

Ruslpóstvörn =

Svar

Hvað eru skilningarvitin mörg og hvað heita þau?
Almennt er talað um að skilningarvitin séu fimm talsins:

• Sjón.
• Heyrn.
• Snerting.
• Bragð.
• Lykt.

Stundum eru fleiri nefnd til sögunar, svo sem jafnvægisskyn, varmaskyn og sársaukaskyn.

Öll getum við verið sammála um mikilvægi skilningarvitanna fimm (og raunar einnig um þau sem stundum er bætt við). Enn fremur getum við flest verið sammála um að sjónin er okkur hvað mikilvægust. Skynfæri sjónarinnar, augun, gera okkur kleift að greina umhverfi okkar en þar gegna svokallaðar keilur og stafir lykilhlutverki. Því næst kemur heyrnin en þar er það eyrað sem tekur á móti hljóðbylgjum. Þegar kemur að mikilvægi skilningarvitanna eru skilin ekki jafnskýr á milli snertingar, bragðs og lyktar og var með sjón og heyrn. Snertinemar í húðinni gera það að verkum að við skynjum snertingu. Að lokum eru það bragðlaukar tungunnar og lyktarnemar í nefi sem gera okkur kleift að finna bragð og lykt.

Nánar má lesa um skilningarvitin fimm og hvernig þau vinna úr umhverfisáreiti í svari Heiðu Maríu Sigurðardóttur við spurningunni: Hvernig verka skilningarvitin fimm (sjón, heyrn, snerting, bragð og lykt)? Enn fremur fjallar hún um fleiri möguleg skilningarvit og skynfæri dýra í svari við spurningunni: Er jafnvægisskynið ef til vill sjötta skilningarvitið?

Heimildir

• Heiða María Sigurðardóttir. „Hvernig verka skilningarvitin fimm (sjón, heyrn, snerting, bragð og lykt)?“ Vísindavefurinn, 12. september 2005. (Skoðað 22. maí 2017).
• Heiða María Sigurðardóttir. „Er jafnvægisskynið ef til vill sjötta skilningarvitið?“ Vísindavefurinn, 23. september 2005. Skoðað 22. maí 2017).

Mynd:

• eye | Ed | Flickr. Myndrétthafi er Ed. Myndin er birt undir Creative Commons-leyfi. (Sótt 23.05.2017).

...