Hvernig er land skilgreint, er Ísland land eða bara eyja?

Nafn þitt

Netfang þitt

Netfang móttakanda

Ruslpóstvörn =

Svar

Hvernig er land skilgreint, er Ísland land eða bara eyja?
Í Íslenskri orðabók er að finna nokkrar skýringar á orðinu land. Það merkir til dæmis 'þurrlendi, ríki og landsvæði'. Nánar má lesa um það í orðabókum.

Allar eyjur, þar með talið Ísland, eru land þegar orðið er notað í merkingunni þurrlendi enda er ein skilgreining á eyju „umflotið land“. Þegar orðið land er hins vegar notað sem samheiti fyrir ríki þá falla ekki allar eyjur þar undir; í þeirri merkingu er Ísland land en Hrísey ekki. Dæmi um slíka notkun á orðinu land má til dæmis sjá í svörum við spurningunum Hvað eru mörg lönd til í heiminum ef eyjar eru taldar með? og Er Alaska land?

Svo má benda á svar við spurningunni Af hverju er Ástralía meginland en Grænland eyja? Þar veltir höfundur því fyrir sér hver munurinn er á meginlandi og eyju og er niðurstaðan í raun sú að það er engin ein algild skilgreining sem hægt er að nota, nema ef vera skildi stærð. Í rauninni eru hugmyndir okkar um það hvað er meginland og hvað er eyja mikið til byggðar á huglægum mælikvarða, þar sem stærð skilur á milli í bland við jarðfræðilegar staðreyndir og jafnvel aðra þætti eins og náttúrufar og menningu.

Mynd:

• Global Update - Haiti and Dominican Republic Urged to Fight Mosquito Illnesses Together - NYTimes.com. (Sótt 3. 3. 2015).

...