Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Hugvísindi Málvísindi: íslensk Hvers vegna er talað um að vera horaður, tengist það eitthvað hori sem kemur úr nefinu?

Flokkun:

9.10.2007
Hugvísindi Málvísindi: íslensk

Hvers vegna er talað um að vera horaður, tengist það eitthvað hori sem kemur úr nefinu?

Guðrún Kvaran

Árnastofnun - mynd í *Árnarstofnun
Lýsingarorðið horaður 'mjög magur' er dregið af nafnorðinu hor 'megurð, vesæld' með viðskeytinu -aður. Hor í þessari merkingu á ekki skylt við hor í merkingunni 'slímrennsli í nefi' (sjá Íslenska orðsifjabók Ásgeirs Blöndals Magnússonar 1989:362).


Röntgenmynd af efri hluta mannslíkama.

Talað er um að skepnur deyi úr hor ef þær fá ekki nóg æti þannig að hordauð skepna hefur drepist úr megurð vegna fæðuskorts. Hér áður fyrr horféllu skepnur í vondu árferði. Orðin horbengla, horgemlingur, horgrind og horkrangi eru öll notuð um horaða manneskju, horkrangi oftast um krakka eða unglinga sem eru mjög magrir. Horgemlingur er einnig notað um horaðan gemling. Áður fyrr var bóndi, sem hálfsvelti búpening sinn, kallaður horkóngur.

Af nafnorðinu hor 'slímrennsli í nefi' er dregið lýsingarorðið horugur 'sá sem er með hor' með viðskeytinu –ugur. Horugur krakki er því með hor úr nefi en þarf alls ekki að vera horaður.

Frekara lesefni:

Mynd:

Höfundur

Guðrún Kvaran

Guðrún Kvaran

prófessor

Útgáfudagur

9.10.2007

Spyrjandi

N.N.

Efnisorð

Tilvísun

Guðrún Kvaran. „Hvers vegna er talað um að vera horaður, tengist það eitthvað hori sem kemur úr nefinu?“ Vísindavefurinn, 9. október 2007, sótt 21. nóvember 2024, https://visindavefur.is/svar.php?id=6838.

Guðrún Kvaran. (2007, 9. október). Hvers vegna er talað um að vera horaður, tengist það eitthvað hori sem kemur úr nefinu? Vísindavefurinn. https://visindavefur.is/svar.php?id=6838

Guðrún Kvaran. „Hvers vegna er talað um að vera horaður, tengist það eitthvað hori sem kemur úr nefinu?“ Vísindavefurinn. 9. okt. 2007. Vefsíða. 21. nóv. 2024. <https://visindavefur.is/svar.php?id=6838>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Hvers vegna er talað um að vera horaður, tengist það eitthvað hori sem kemur úr nefinu?
Lýsingarorðið horaður 'mjög magur' er dregið af nafnorðinu hor 'megurð, vesæld' með viðskeytinu -aður. Hor í þessari merkingu á ekki skylt við hor í merkingunni 'slímrennsli í nefi' (sjá Íslenska orðsifjabók Ásgeirs Blöndals Magnússonar 1989:362).


Röntgenmynd af efri hluta mannslíkama.

Talað er um að skepnur deyi úr hor ef þær fá ekki nóg æti þannig að hordauð skepna hefur drepist úr megurð vegna fæðuskorts. Hér áður fyrr horféllu skepnur í vondu árferði. Orðin horbengla, horgemlingur, horgrind og horkrangi eru öll notuð um horaða manneskju, horkrangi oftast um krakka eða unglinga sem eru mjög magrir. Horgemlingur er einnig notað um horaðan gemling. Áður fyrr var bóndi, sem hálfsvelti búpening sinn, kallaður horkóngur.

Af nafnorðinu hor 'slímrennsli í nefi' er dregið lýsingarorðið horugur 'sá sem er með hor' með viðskeytinu –ugur. Horugur krakki er því með hor úr nefi en þarf alls ekki að vera horaður.

Frekara lesefni:

Mynd: