Sólin Sólin Rís 06:41 • sest 20:23 í Reykjavík
Tunglið Tunglið Rís 05:00 • Sest 04:51 í Reykjavík
Flóð Flóð Árdegis: 08:59 • Síðdegis: 21:23 í Reykjavík
Fjaran Fjara Árdegis: 02:51 • Síðdegis: 15:06 í Reykjavík
Sólin Sólin Rís 06:41 • sest 20:23 í Reykjavík
Tunglið Tunglið Rís 05:00 • Sest 04:51 í Reykjavík
Flóð Flóð Árdegis: 08:59 • Síðdegis: 21:23 í Reykjavík
Fjaran Fjara Árdegis: 02:51 • Síðdegis: 15:06 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Vísindavefur Föstudagssvar Hvers vegna eru menn með úfið hár svona góðir stjórnendur sinfóníuhljómsveita?

Flokkun:

5.2.2016
Vísindavefur Föstudagssvar

Hvers vegna eru menn með úfið hár svona góðir stjórnendur sinfóníuhljómsveita?

Ritstjórn Vísindavefsins

Ritstjórn Vísindavefsins hefur klórað sér í kollinum yfir þessari hárbeittu spurningu undanfarið. Reyndar er ritstjórnin alvön að fást við verulega loðnar spurningar þar sem margt ber á góma og yfirleitt hvorki klippt né skorið. Til dæmis hafa verið skrifuð nokkur svör um það hvernig heimspekingurinn Sókrates skeggræddi við viðmælendur sína. Margir telja að þar hafi verið deilt um keisarans skegg!

Svona leit þýski heimspekingurinn Arthur Schopenhauer út eftir að Vísindvefurinn greiddi úr hártogunum hans.

Þá hefur vefurinn reynt að greiða aðeins úr hártogunum þýska heimspekingsins Arthurs Schoenhauer. Hins vegar hefur ekkert eitt svar náð að fanga það hvernig mestu hugsuðir sautjándu aldar Isaac Newton og Gottfried Wilhelm Leibniz fóru í hár saman, enda eðlisfræðin á bakvið hólkvíðar hárkollur þeirra í úfnara lagi. Vonir standa þó til að fjótlega nái færustu vísindamenn okkar tíðar að standa uppi í hárinu á þeim.

Mynd úr nýju námskeiði í Háskóla Íslands. Þar reyna nemendur að ná tökum á eðlisfræði Newtons og örsmæðareikningi Leibniz með fjörugum leik og spuna. Leibniz er til vinstri og Newton hægra megin.

Spurningin er hárbeitt þar sem hún forðast fræga hugsanavillu sem stundum er kennd við sundfólk. Villan felst í því að draga ályktun um hvað sund gerir fyrir líkamsvöxt út frá því sundfólki sem birtist oft fáklætt í fjölmiðlum. Staðreyndin er sú að þótt sundíþróttin sé holl og góð hreyfing þá er líklegra að limafagurt fólk nái lengra í greininni heldur en kubbslegir kollegar þeirra og birtist því frekar í sem fulltrúar hennar.

Með sömu rökum má segja að ólíklegt sé að góðir stjórnendur fái úfnara hár við að sveifla sprotanum og því sé hárrétt að spyrja þessarar spurningar. En það hefur reynst vísindamönnum erfitt að komast í gegnum flókna eðlisfræðina sem liggur þarna að baki sem hefur orðið til þess að margs konar hjávísindaleg svör studd fáviskurökum hafa sprottið upp.

Nýleg gögn benda til þess að vindvél Eyjólfs Kristjánssonar hafi tekið í lurginn á stjórnendum Sinfóníuhljómsveitarinnar.

Nýlegar upplýsingar gefa þó til kynna að svokölluð viðmiðaskipti (e. paradigm shift) séu að verða í þessum fræðum og að vísindamenn hafi í raun verið að horfa á ranga þætti í leit sinni að lausn. Gögn nokkurra þjóðfræðinga sem vinna að rannsókn á íslenskri hversdagsmenningu bentu óvænt til þess að mikil fylgni væri milli þess hversu úfið hár stjórnanda Sinfóníuhljómsveitar Íslands var og hvort vindvél Eyjólfs Kristjánssonar var í húsinu. Ritstjórn hvetur spyrjanda og alla áhugasama til að fylgjast náið með þessari þróun á næstu misserum.

Að lokum er rétt að taka fram, áður en hárin rísa á höfði lesenda, að þetta er föstudagssvar í húð og hár og ber þess vegna ekki að taka bókstaflega!

Myndir:

Höfundur

Ritstjórn Vísindavefsins

Ritstjórn Vísindavefsins

Útgáfudagur

5.2.2016

Spyrjandi

Heiðar Högni Guðnason

Efnisorð

Tilvísun

Ritstjórn Vísindavefsins. „Hvers vegna eru menn með úfið hár svona góðir stjórnendur sinfóníuhljómsveita?“ Vísindavefurinn, 5. febrúar 2016, sótt 2. apríl 2025, https://visindavefur.is/svar.php?id=68212.

Ritstjórn Vísindavefsins. (2016, 5. febrúar). Hvers vegna eru menn með úfið hár svona góðir stjórnendur sinfóníuhljómsveita? Vísindavefurinn. https://visindavefur.is/svar.php?id=68212

Ritstjórn Vísindavefsins. „Hvers vegna eru menn með úfið hár svona góðir stjórnendur sinfóníuhljómsveita?“ Vísindavefurinn. 5. feb. 2016. Vefsíða. 2. apr. 2025. <https://visindavefur.is/svar.php?id=68212>.

Chicago | APA | MLA

Tengd svör

Skoða öll nýjustu svörin

Þessi síða notar vafrakökur Nánari upplýsingar

Ég samþykki

Senda grein til vinar

=

Hvers vegna eru menn með úfið hár svona góðir stjórnendur sinfóníuhljómsveita?
Ritstjórn Vísindavefsins hefur klórað sér í kollinum yfir þessari hárbeittu spurningu undanfarið. Reyndar er ritstjórnin alvön að fást við verulega loðnar spurningar þar sem margt ber á góma og yfirleitt hvorki klippt né skorið. Til dæmis hafa verið skrifuð nokkur svör um það hvernig heimspekingurinn Sókrates skeggræddi við viðmælendur sína. Margir telja að þar hafi verið deilt um keisarans skegg!

Svona leit þýski heimspekingurinn Arthur Schopenhauer út eftir að Vísindvefurinn greiddi úr hártogunum hans.

Þá hefur vefurinn reynt að greiða aðeins úr hártogunum þýska heimspekingsins Arthurs Schoenhauer. Hins vegar hefur ekkert eitt svar náð að fanga það hvernig mestu hugsuðir sautjándu aldar Isaac Newton og Gottfried Wilhelm Leibniz fóru í hár saman, enda eðlisfræðin á bakvið hólkvíðar hárkollur þeirra í úfnara lagi. Vonir standa þó til að fjótlega nái færustu vísindamenn okkar tíðar að standa uppi í hárinu á þeim.

Mynd úr nýju námskeiði í Háskóla Íslands. Þar reyna nemendur að ná tökum á eðlisfræði Newtons og örsmæðareikningi Leibniz með fjörugum leik og spuna. Leibniz er til vinstri og Newton hægra megin.

Spurningin er hárbeitt þar sem hún forðast fræga hugsanavillu sem stundum er kennd við sundfólk. Villan felst í því að draga ályktun um hvað sund gerir fyrir líkamsvöxt út frá því sundfólki sem birtist oft fáklætt í fjölmiðlum. Staðreyndin er sú að þótt sundíþróttin sé holl og góð hreyfing þá er líklegra að limafagurt fólk nái lengra í greininni heldur en kubbslegir kollegar þeirra og birtist því frekar í sem fulltrúar hennar.

Með sömu rökum má segja að ólíklegt sé að góðir stjórnendur fái úfnara hár við að sveifla sprotanum og því sé hárrétt að spyrja þessarar spurningar. En það hefur reynst vísindamönnum erfitt að komast í gegnum flókna eðlisfræðina sem liggur þarna að baki sem hefur orðið til þess að margs konar hjávísindaleg svör studd fáviskurökum hafa sprottið upp.

Nýleg gögn benda til þess að vindvél Eyjólfs Kristjánssonar hafi tekið í lurginn á stjórnendum Sinfóníuhljómsveitarinnar.

Nýlegar upplýsingar gefa þó til kynna að svokölluð viðmiðaskipti (e. paradigm shift) séu að verða í þessum fræðum og að vísindamenn hafi í raun verið að horfa á ranga þætti í leit sinni að lausn. Gögn nokkurra þjóðfræðinga sem vinna að rannsókn á íslenskri hversdagsmenningu bentu óvænt til þess að mikil fylgni væri milli þess hversu úfið hár stjórnanda Sinfóníuhljómsveitar Íslands var og hvort vindvél Eyjólfs Kristjánssonar var í húsinu. Ritstjórn hvetur spyrjanda og alla áhugasama til að fylgjast náið með þessari þróun á næstu misserum.

Að lokum er rétt að taka fram, áður en hárin rísa á höfði lesenda, að þetta er föstudagssvar í húð og hár og ber þess vegna ekki að taka bókstaflega!

Myndir:

...