Hvernig ala sniglar upp afkvæmi sín?

Nafn þitt

Netfang þitt

Netfang móttakanda

Ruslpóstvörn =

Svar

Hvernig ala sniglar upp afkvæmi sín?
Svarið við þessari spurningu er einfalt: Sniglar ala afkvæmi sín ekki upp á nokkurn hátt.

Æxlun snigla fer yfirleitt fram inni í kvendýrinu, það er innvortis frjóvgun eggfrumanna. Það þekkist þó meðal frumstæðra hópa fortálkna (sjá umfjöllun um undirhópa snigla í svari sama höfundar við spurningunni Hvað getið þið sagt mér um snigla?) að kynfrumum sé dælt út í sjóinn og frjóvgun verði þar. Það nefnist útvortis frjóvgun. Eftir að frjóvgun hefur átt sér stað í eggfrumunum, þroskast eggin í dálítinn tíma áður en snigillinn dælir þeim út, en oftast kemur hann þeim fyrir á einhverju undirlagi í vatni.

Við klak losna út lirfur sem geta synt um vatnið. Þar éta þær ýmsar lífrænar agnir sem er að finna í vatninu. Lirfur snigla ganga í gegnum ýmis þroskunarstig. Meðal þeirra fyrstu eru svokölluð trochopora-stig en þá syndir lirfan um vatnsmassann með hjálp bifhára. Næsta stig í þroskun sniglalirfa nefnist veliger en þá verður umtalsverð útlitsbreyting á lirfunum.. Þær halda þó uppteknum hætti og svífa um vatnsmassann í leit að fæðu. Að lokum þroskast lirfan í smávaxinn snigill sem er þó frábrugðinn fullorðnum snigli að því leyti að skelin er mjúk (hjá tegundum sem eru með skeljar) og æxlunarfæri eru ekki þroskuð enda tilheyra þau fullorðinsstigi.

Rannsóknir hafa ekki sýnt að sniglar, hvorki kvendýr né karldýr, reyni með nokkrum hætti að vernda egg eða lirfur og því er ekki hægt að segja að sniglar komi að ummönnun eða verndum ungviðis síns.

Mynd:

• Common snail.jpg - Wikipedia, the free encyclopedia. (Sótt 6. 1. 2014).

...