Hvernig er hægt að finna á hvaða lengdar- og breiddargráðum tiltekin lönd eru?

Nafn þitt

Netfang þitt

Netfang móttakanda

Ruslpóstvörn =

Svar

Hvernig er hægt að finna á hvaða lengdar- og breiddargráðum tiltekin lönd eru?
Í svari við spurningunni Hvernig er hægt að finna lengdar- og breiddargráðu staða? er útskýrt hvernig hægt er að finna hnattstöðu tiltekinna staða með vísan í bauganet. Áður en lengra er haldið er lesendum bent á að kynna sér það svar.

Vísindavefurinn hefur einnig verið spurður um legu landa, það er á hvaða lengdar- og breiddargráðum tiltekin lönd eru. Þegar landaheiti er sett inn í leitarvélar á síðum sem gefa upp hnattstöðu er útkoman einn tiltekinn staður, nokkurskonar miðpunktur landsins. Mismunandi aðferðir geta legið að baki ákvörðuninni á miðpunktinum.

Þetta segir hins vegar ekki á hvaða bili lengdar- og breiddargráða landið liggur. Til þess að finna það má nota einhverjar af aðferðunum sem lýst er í áðurnefndu svari (nota kort, sérstakar síður á netinu sem finna staðsetningu eða leitarvélina Google) en þá þarf annað hvort að þekkja heitin á nyrsta, syðsta, austasta og vestasta stað landsins eða smella á líklega staði á korti og fletta hverjum þeirra upp fyrir sig. Svo má einnig nota Wikipediu, setja til dæmis inn leitarorðin „Extreme points of” og bæta svo við nafni landsins.

Meðal þeirra landa sem Vísindavefurinn hefur sérstaklega verið spurður um eru Kína, Portúgal, Lúxemborg og Ástralía. Samkvæmt Wikipediu eru hnit þessara landa í baugakerfinu eftirfarandi:

Land	Nyrsti staður	Syðsti staður	Vestasti staður	Austasti staður
Ástralía	10°41?S	39°08?S	113°09?A	153°38?A
Kína	53°33?N	20°14?N	73°49?A	134°45?A
Lúxemborg	50°10?N	49°26?N	5°44?A	6°32?A
Portúgal	42°07?N	37º57?N	9°30?V	6°11'V

Mynd:

• Extreme points of Australia - Wikipedia, the free encyclopedia. (Sótt 7. 10. 2013).

Upplýsingarnar í þessu svari má nota til að svara þeim spurningum um lengd og breidd sem Vísindavefnum hafa borist, til dæmis:

• Á hvaða breiddar- og lengdargráðu er Ástralía?
• Hvar er Lúxemborg akkúrat mælt með bauganeti?
• Hverjar eru lengdar- og breiddargráður Kína?
• Hvar er Portúgal staðsett í bauganetinu?
• Hver er landfræðileg lengd og breidd austasta, vestasta, nyrsta og syðsta odda Rússlands?
• Getur þú sagt mér hver lega Asíu og Kína er og notað gráður til útskýringar?

...