Hvar eru skógarþrestir á veturna og hvað verða þeir gamlir?

Nafn þitt

Netfang þitt

Netfang móttakanda

Ruslpóstvörn =

Svar

Hvar eru skógarþrestir á veturna og hvað verða þeir gamlir?
Stærstur hluti íslenskra skógarþrasta (Turdus iliacus) eru farfuglar, þó þúsundir einstaklinga hafi nú orðið vetursetu í þéttbýlinu. Þessi aukning á vetursetu skógarþrasta er einkum talin vera afleiðing af stöðugra fæðuframboði og meiri trjágróðri í görðum bæjarbúa. Einnig er sennilegt að mildari vetur undanfarin ár hafi þar áhrif.

Flestir skógarþrestir eru farfuglar og dvelja einkum á Bretlandseyjum yfir vetrartímann.

Talið að stofnstærð skógarþrasta hérlendis sé á bilinu 100 til 300 þúsund pör, en heimsstofninn telur á bilinu 5-7 milljónir para.

Helstu vetrarstöðvar íslenskra skógarþrasta eru á Bretlandseyjum. Breski varpstofninn er afar lítill, innan við 100 pör, og verpir einkum í Skotlandi. Að mati hins Konunglega breska fuglaverndarfélags dvelja hins vegar um 750 þúsund skógarþrestir í Bretlandi á veturna, þar á meðal þrestir frá Íslandi.

Mat á líftíma fugla byggist aðallega á merkingum og endurheimt merkja. Elsti skógarþröstur sem merktur var í Bretlandi var drepinn í Portúgal 4. september árið 1988, þá að minnsta kosti 12 ára gamall en hann var orðinn fullvaxta þegar hann var merktur upphaflega. Elsti skógarþröstur sem vitað er um var hins vegar skotinn í Finnlandi. Þessi fugl hafði þá verið merktur í hreiðri rúmlega 17 árum fyrr.

Frekara lesefni á Vísindavefnum:

• Hvernig geta fuglar ratað svona langar vegalengdir? eftir Jón Má Halldórsson
• Hvar hafa spörfuglar á Suðurlandi náttstað? eftir Jóhann Óla Hilmarsson
• Hversu fljótir eru íslenskir spörfuglar að koma upp ungum? eftir Jón Má Halldórsson

Mynd: Wikimedia Commons...