Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Hnísan (Phocoena phocoena), eða selhnísa eins og hún var kölluð hér áður fyrr, er minnsti hvalur sem finnst hér við land. Hún er aðeins á bilinu 150 til 190 cm á lengd og vegur á milli 50 og 70 kg. Hnísan er af undirættbálki tannhvala (Odontoceti) og var áður talin tilheyra höfrungaætt (Delphinidea). Með aukinni þekkingu á líffræði og skyldleika hvala voru hnísur hins vegar flokkaðar í aðskilda ætt, hníshvelaætt (Phocoenidae), ásamt fimm öðrum hnísutegundum. Selhnísan er eini fulltrúi ættarinnar í Norður-Atlantshafi.
Selhnísa finnst í norðlægum kaldtempruðum sjó og skiptist niður í fjórar deilitegundir. Útbreiddasta deilitegundin finnst í norðanverðu Atlantshafi, meðfram vesturströnd Bandaríkjanna frá Norður-Karólínu og norður til Baffinlands, Grænlands og austur til Íslands. Hún finnst einnig við strendur Skandinavíu allt norður í Barentshaf og austur til Nova Semlija norður af Rússlandi. Einnig finnst talsvert af selhnísu við Bretlandseyjar og suður eftir ströndum Vestur-Evrópu allt til Portúgals. Auk þess heldur einangraður stofn sig við strendur vesturhluta Afríku suður til Senegal og er það syðsti hluti útbreiðslu selhnísunnar. Þrjár aðrar deilitegundir selhnísa eru einnig þekktar og eru tvær í norðanverðu Kyrrahafi og ein í Svartahafi.
Talsvert hefur verið unnið að stofnstærðarútreikningum fyrir selhnísur af Norður-Atlantshafsdeilitegundinni. Samkvæmt þeim rannsóknum virðist vera mest um þær í Norðursjó eða allt að 350 þúsund dýr. Rúmlega 67 þúsund dýr voru talin við strendur Maine á austurströnd Bandaríkjanna. Rúmlega 36 þúsund selhnísur hafa fundist við Bretlandseyjar og rúmlega 30 þúsund við Danmörku.
Frekara lesefni á Vísindavefnum eftir sama höfund:
Hammond P, Benke H, Berggren P, Collet A, Heide Joergensen MP, Heimlich Boran S, Leopold M, Oeien, N. 2001. The distribution and abundance of harbour porpoises and other small cetacean in the North Sea and adjacent waters. ICES, Kaupmannahöfn.
Read, AJ. 1999. Harbour porpoise - Phocoena phocoena. Í: Handbook of Marine Mammals, Vol. 6. Ritstj. Ridgway S.H., Harrison S.R. Bls 323 – 356.
Sólin
Rís 10:26 • sest 16:02
Tunglið
Rís 01:04 • Sest 15:19
Flóð
Árdegis: 01:05 • Síðdegis: 13:31
Fjara
Árdegis: 07:12 • Síðdegis: 20:04
