Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Innihald sælgætis fer alveg eftir því um hvaða sælgæti er að ræða. Eins og fram kemur í svari Björns Sigurðar Gunnarssonar við spurningunni Hvaða áhrif hefur súkkulaði á líkamann? er súkkulaði gert úr kakóbaunum. Úr baununum er unnið kakósmjör sem er eitt mikilvægasta innihaldsefni súkkulaðis, auk malaðra kakóbauna, sykurs og bragðefna. Í ljóst súkkulaði er einnig notað mjólkurduft, og er slíkt súkkulaði nefnt mjólkursúkkulaði eða rjómasúkkulaði.
Brjóstsykur og karamellur eru aðallega sykur og vatn, og jafnvel sýróp, sem soðið er saman og bragð- og litarefnum bætt í. Eftir því sem hitinn á sykur- og vatnsblöndunni er hærri því harðara verður sælgætið, brjóstsykur verður því til við mun meiri hita en karamellur. Hlaup er aðallega gert út gelatíni, sykri og glúkósasýrópi, auk bragð- og litarefna. Allt tyggigúmmí er að grunninum til úr náttúrulegu eða tilbúnu gúmmíi sem gefur því seigluna og teygjanleikann sem menn sækjast eftir en auk þess er í tyggjóinu einhvers konar mýkingarefni, til dæmis jurtaolía, sykur eða sætuefni, önnur bragðefni og litarefni.
Hér hefur ekki verið kafað mjög nákvæmlega ofan í innhald hinna ýmsu tegunda sælgætis en þetta gefur einhverja hugmynd. Kjarni málsins er kannski að sælgæti inniheldur yfirleitt mikinn sykur, og er þar af leiðandi orkuríkt, en hefur lítið af nauðsynlegum næringarefnum. Þó það sé gott á bragðið er því betra að fara varlega þar sem of mikið sælgætisát getur bæði haft í för með sér ofþyngd og skemmdar tennur. Auk þess hefur sælgætisát fyrir máltíðir óeðlileg og óæskileg áhrif á matarvenjur að öðru leyti.
Frekari fróðleikur á Vísindavefnum:
Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.
Sólin
Rís 10:17 • sest 16:10
Tunglið
Rís 21:40 • Sest 15:54
Flóð
Árdegis: 10:12 • Síðdegis: 22:46
Fjara
Árdegis: 03:46 • Síðdegis: 16:36
