Hvað þýðir það að vera á sjömílnaskóm?

Nafn þitt

Netfang þitt

Netfang móttakanda

Ruslpóstvörn =

Svar

Hvað þýðir það að vera á sjömílnaskóm?
Sjömílnaskór eru töfraskór þeim eiginleika gæddir að geta flutt þann sem í þeim er sjö mílur í einu skrefi. Minnið er þekkt í fjölmörgum erlendum ævintýrum og er þar talað um stígvél en ekki skó, það er sjömílnastígvélin (enska: seven-league boots, þýska: Siebenmeilenstiefel, sænska: sjömilastövlar).

Elsta dæmið um ævintýraminnið er talið frá 1697 í sögu Charles Perrault Le petit poucet eða „Þumalingur litli“ en einnig er það að finna í þýskum, enskum, hollenskum og skandinavískum sögum svo dæmi séu nefnd. Í öllum sögunum íklæðist söguhetjan stígvélum sem bera hana hratt yfir. Hingað barst ævintýrið líklega með þýðingu á Norskum ævintýrum eftir Peter Christen Asbjørnsen og Jørgen Moe.

Skýringin á nafninu mun vera sú að franskir póstflutningamenn, sem ferðuðust um í póstvagni, klæddust einkennisbúningi, þar á meðal miklum stígvélum. Sjö mílur voru milli póststöðva og steig pósturinn því niður úr vagni sínum á sjö mílna fresti.

Hérlendis hefur borið á því að orðið sjömílnaskór sé notað um mjög stórt skónúmer en það er síðari tíma skilningur.

Mynd:

• Seven-league boots - Wikipedia, the free encyclopedia. (Sótt 12.6.2013).

...