Sést Vetrarbrautin okkar frá Íslandi?

Nafn þitt

Netfang þitt

Netfang móttakanda

Ruslpóstvörn =

Svar

Sést Vetrarbrautin okkar frá Íslandi?
Já, Vetrarbrautin okkar sést frá Íslandi. Á heiðskírri og tunglslausri nóttu er hægt að sjá miðskífu Vetrarbrautarinnar sem þunna og daufa slæðu sem nær þvert yfir himinninn. Til þess að sjá hana þarf að fara fjarri ljósmengun borgarljósanna.

Reyndar sést einnig að minnsta kosti ein önnur vetrarbraut á næturhimninum frá norðurhveli jarðar, en það er Andrómeduþokan eða M13. Til að sjá hana verða menn hins vegar helst að styðjast við kort. Á suðurhveli jarðar sjást að minnsta kosti þrjár vetrarbrautir. Fyrir utan okkar eigin eru það tvær litlar og óreglulega lagaðar vetrarbrautir sem fylgja henni, Stóra- og Litla-Magellanskýið. Þess má einnig geta að Vetrarbrautin okkar sést enn betur frá suðurhveli jarðar en frá norðurhvelinu.

Í Vetrarbrautinni okkar eru um 200-400 milljarðar stjarna sem ferðast í hring umhverfis miðju brautarinnar. Mælingar vísindamanna benda til þess að við séum stödd um 25.000 ljósár frá miðjunni. Hringferð sólarinnar um miðju Vetrarbrautarinnar tekur um það bil 220 milljón ár!

Heimildir og frekara lesefni:

• Vísindavefurinn: Hvað er vetrarbrautin okkar stór? (Skoðað 4.02.2013).
• European Southern Observatory (ESO) | European Southern Observatory | Rannsóknir | Alheimurinn | Stjörnuskoðun. (Skoðað 4.02.2013).
• Vetrarbrautin okkar | Alheimurinn | Stjörnuskoðun. (Skoðað 4.02.2013).

Upprunalega spurningin hljóðaði svona:

Er hægt að sjá Vetrarbrautina okkar frá Íslandi? Ef já, hvar og hvenær væri það hægt næst?

...