Hvað getur þú sagt mér um smáþarmana?

Nafn þitt

Netfang þitt

Netfang móttakanda

Ruslpóstvörn =

Svar

Hvað getur þú sagt mér um smáþarmana?
Melting er flókið fyrirbæri þar sem fæðan er brotin niður í nýtanlegt form. Niðurbrot fæðunnar hefst í munni, þaðan fer fæðan niður um vélindað í magann þar sem hún er hnoðuð og brotin enn frekar niður. Smáþarmarnir taka svo við fæðumaukinu frá maganum og taka upp þau næringarefni sem við fáum úr matnum þegar meltingu er lokið. Þeir eru að jafnaði um sex metra langir í fullorðnum einstaklingi en yfirborðið þar sem upptaka næringarefna fer fram er allt að 300 fermetrar. Þessi mikla stærð skýrist af fellingum í smáþörmunum og þarmatotum á fellingunum.

Um 90% af meltingunni og upptöku næringarefna fer fram í smágirnunum en hin 10% fara fram í maganum og í ristlinum. Öll lífræn næringarefni eru tekin upp í smáþörmunum og mest af þeim ólífrænu. Upptöku ólífrænu næringarefnanna lýkur í ristlinum. Upptaka steinefn fer til að mynda að einhverju leyti fram í ristlinum.

Upptaka næringarefnanna fer þannig fram að þau eru brotin niður nógu smátt til þess að þau geti smogið inn í innri veggi smáþarmanna. Þar komast næringarefnin inn í blóðrásina og berast þau þaðan um allan líkamann.

Þuríður Þorbjarnardóttir fjallar um smáþarmana í svörum sínum við spurningunum Hvaða næringarefni taka smáþarmar upp? og Hvernig starfa líffæri meltingakerfisins saman og hvaða efnaskipti fara þar fram? Stuðst var við báðar þessar spurningar við gerð þessa svars.

Heimild:

• www.news-medical.net.

Mynd:

• Esophagus, stomach, small intestine.jpg - Wikimedia Commons.

...