Af hverju missir maður stundum bragð- og lyktarskyn þegar maður er kvefaður?

Nafn þitt

Netfang þitt

Netfang móttakanda

Ruslpóstvörn =

Svar

Af hverju missir maður stundum bragð- og lyktarskyn þegar maður er kvefaður?
Einkenni kvefs stafa af viðbrögðum ónæmiskerfis okkar gegn sýklum (einhverri af þeim um 100 veirum sem valda kvefi). Eitt þessara einkenna er að nefgöngin stíflast af slími og er það ástæðan fyrir því að við finnum ekki lykt af mat né öðru.

Ilmefni berast okkur í svonefndum gasham. Ilmefnin komast ekki að lyktarskynnemum í eða undir slímhúð nefganganna ef þau eru full af slími. Þá myndast ekki skyntaugaboð um lyktina til heila og engin lykt er skynjuð.

Það sama á við um bragðskyn. Bragð af mat stafar af flókinni úrvinnslu heilans á taugaboðum frá lyktar- og bragðskynnemum. Súrt eða sætt bragð getum við skynjað án lyktarskyns en flóknari tegundir bragðs getum við aðeins skynjað rétt með samspili bragðs og lyktar. Þegar lyktarskynið dofnar, til dæmis þegar við erum kvefuð og nefið fullt af slími, bragðast matur því öðruvísi vegna þess að lyktina vantar. Um þetta má lesa í svari Magnúsar Jóhannssonar við spurningunni Hvers vegna hverfur lyktarskynið? og í svari Friðriks Páls Jónssonar við spurningunni Getur verið að einstaklingur með eðlilegt bragðskyn finni enga lykt?

Það er sem sagt allt slímið sem myndast við kvef sem truflar lyktarskynið og þar með bragðskynið líka.

Heimildir og mynd:

• Loss of Taste and Smell Information, Natural Treatment and Relief. (Skoðað 19. 2. 2013).
• Friðrik Páll Jónsson: Vísindavefurinn: Getur lyktarskyn manna breyst skyndilega? Ef svo er hvað veldur því? (Skoðað 19. 2. 2013).
• Magnús Jóhannsson: Vísindavefurinn: Hvers vegna hverfur lyktarskynið? (Skoðað 19. 2. 2013).
• Einar Karl Friðriksson: Vísindavefurinn: Hvað er lykt? (Sótt 19. 2. 2013).
• Mynd: Cold vs Flu: What's The Difference? - The Fun Times Guide to Healthy Living. (Sótt 20. 2. 2013).

...