Vísindavefurinn: Lifa leðurblökur í Japan og ef svo, eru það vampíru- eða ávaxtaleðurblökur eða hvort tveggja?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Leðurblökur tilheyra ættbálknum Chiroptera sem skiptist í tvo undirættbálka; annars vegar svokallaða flugrefi eða stórblökur (Megachiroptera), sem nærast fyrst og fremst á ávöxtum og fræjum og mætti því kalla ávaxtaleðurblökur (e. fruit bats), og hins vegar smáblökur (Microchiroptera). Margar tegundir af smáblökum eru skordýraætur eða sækja næringu úr jurtaríkinu, en nokkrar tegundir sjúga blóð úr stórum spendýrum. Í dag eru samtals rúmlega 1.200 leðurblökutegundir í heiminum.

Í Japan finnast rúmlega 40 tegundir af leðurblökum. Þar af eru tvær tegundir flugrefa eða ávaxtaleðurblaka, Bonin-flugrefurinn (Pteropus pselaphon) og Ryukyu-flugrefurinn (Pteropus dasymallus). Þetta eru norðlægustu tegundir af ávaxtaleðurblökum í heiminum, en langflestar tegundir flugrefa lifa í hitabeltinu.

Bonin-flugrefurinn finnst hvergi nema í Japan og þá aðeins á fimm eyjum í Bonin eyjaklasanum, um 1000 km suður af Tokyo. Hann er um 20-25 cm á lengd og hefur dökkbrúnan feld með gráum blæ. Tegundinni hefur fækkað nokkuð á undanförnum áratugum, einkum vegna skógarhöggs og veiða, og er hún flokkuð sem í hættu (e. vulnarable) að mati Alþjóðlegu náttúruverndarsamtakanna IUCN (International Union for the Conservation of Nature and Natural Resources).

Uppstoppaður Bonin-flugrefur.

Ryukyu-flugrefurinn finnst í þéttu skóglendi á Ryukyu-eyjaklasanum, en svo kallast syðstu eyjar Japans. Hann er um 20 cm langur og dökkbrúnn að lit, en þó þekkjast einnig ljós afbrigði tegundarinnar. Flokkunarfræðingar hafa greint þessa tegund niður í fimm undirtegundir og lifa fjórar þeirra í Japan.

Þess má geta að sennilega er ein tegund japanskra flugrefa útdauð, en það er Okinawa-flugrefurinn (Pteropus lochoensis). Síðasti einstaklingurinn sem vitað er um veiddist í kringum 1870 og aðeins er vitað um tvö uppstoppuð dýr af tegundinni, en þau eru bæði varðveitt á British Museum í London.

Svokallaðar vampírur eða leðurblökur af undirættinni Desmodontinae finnast ekki í Japan. Aðeins eru þrjár tegundir sem tilheyra þessari undirætt og lifa þær allar í Ameríku. Nánar er hægt að lesa um þær í svari sama höfundar við spurningunni Getið þið sagt mér frá vampírum, til dæmis leðurblökuvampírum og iglum?

Á Vísindavefnum eru fleiri svör um leðurblökur, til dæmis:

Heimildir og mynd:

Wilson, D. E. og D. M. Reeder. 1993. Mammal Species of the World, A Taxonomic and Geographic Reference. 2. útgáfa. Smithsonian Institution Press, Washington.

The IUCN Red List of Threatened Species

Bonin flying fox Stuffed specimen.jpg - Wikimedia Commons. Birt undir CC BY-SA 3.0. (Sótt 17.04.2020).

Senda grein til vinar

Sendu inn spurningu

Lifa leðurblökur í Japan og ef svo, eru það vampíru- eða ávaxtaleðurblökur eða hvort tveggja?

Höfundur

Útgáfudagur

Síðast uppfært

Spyrjandi

Efnisorð

Tilvísun

Senda grein til vinar

Sendu inn spurningu

Lifa leðurblökur í Japan og ef svo, eru það vampíru- eða ávaxtaleðurblökur eða hvort tveggja?

Höfundur

Útgáfudagur

Síðast uppfært

Spyrjandi

Efnisorð

Tilvísun

Deila

Senda grein til vinar