Sólin
Rís 10:17 • sest 16:10
Tunglið
Rís 21:40 • Sest 15:54
Flóð
Árdegis: 10:12 • Síðdegis: 22:46
Fjara
Árdegis: 03:46 • Síðdegis: 16:36
Megintilgangur brjósta er að framleiða mjólk fyrir afkvæmi. Í spenunum eru mjólkurkirtlar en þar myndast mjólkin. Kvendýr allra spendýrategunda mynda mjólk sem afkvæmi þeirra drekka. Að jafnaði fara brjóst ekki að stækka fyrr en við kynþroska en þau stækka fyrir tilstilli kvenkynhormóna. Þess vegna stækka brjóst stelpna en ekki brjóst stráka. Bæði kynin hafa mjólkurkirtla en mjólkurkirtlar stráka þroskast ekki undir eðlilegum kringumstæðum.
Þrátt fyrir að kvendýr allra spendýrategunda myndi mjólk eru brjóstin eða spenarnir einungis þrýstnir eða útstæðir þegar mjólkurmyndun er í gangi. Konur eru hins vegar alltaf með útstæð brjóst. Margir eru á þeirri skoðun að þau hafi þróast sem síðkomið kyneinkenni til að ganga í augun á körlum. Önnur kenning gerir hins vegar ráð fyrir því að útstæð brjóst minnki líkur á köfnun ungabarns. Þannig er mál með vexti að forfeður okkar og aðrir prímatar hafa framstæðan kjálka en ekki börn. Möguleiki er á því að flatt brjóst hindri loftflæði inn í nef barns.
En fyrst og fremst er líffræðilegur tilgangur brjósta að framleiða mjólk fyrir afkvæmi.
Frekara lesefni og heimild á Vísindavefnum:- Eru brjóst kynfæri eða eru þau bara til að gefa börnum mjólk? eftir Þuríði Þorbjarnardóttur
- en.wikipedia.org - Breastfeeding. Sótt 30.5.2011.
Þetta svar er í flokknum „bekkirnir spyrja“ þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.
