Sólin
Rís 06:45 • sest 20:20
Tunglið
Rís 06:12 • Sest 01:17
Flóð
Árdegis: 08:13 • Síðdegis: 20:35
Fjara
Árdegis: 02:06 • Síðdegis: 14:23
Það eru nokkrar ástæður fyrir því að mörgæsir geta ekki flogið. Þær eru í fyrsta lagi of þungar og í öðru lagi eru vængirnir á þeim allt of stuttir miðað við líkamsstærð. Vængirnir eru jafnframt aðlagaðir að sundi frekar en flugi og minna því frekar á hreifa en eiginlega vængi.
Þrátt fyrir þetta eru mörgæsir skyldastar fuglum og tilheyra þeim ættbálki fugla sem nefnist á latínu Sphenisciformes, en innan þessa ættbálks er aðeins ætt mörgæsa. Þó mörgæsir geti ekki flogið þá eru þær komnar af fleygum fuglum, en hafa aðlagað sig lífi á sjó og landi við suðurheimskautið. Þó þær geti ekki nýtt vængina til flugs eru þeir vel aðlagaðir að sundi og í sjó kemst mörgæsin hratt yfir.
Það eru fleiri fuglategundir en mörgæsin sem ekki eru fleygar og má þar nefna geirfuglinn, strútinn, móa og emú. Þessar fuglategundir hafa líkt og mörgæsin þróast út frá fleygum fuglum en svo aðlagast lifnaðarháttum á jörðu niðri.
Við gætum þess vegna orðað svarið við spurningunni öðruvísi og sagt sem svo að mörgæsin getur ekki flogið af því að hún hefur enga þörf fyrir að fljúga; hún á enga óvini á landi. „Vængirnir“ sem fyrirrennarar hennar höfðu hafa lagað sig að þessu og nýtast henni nú til sunds í stað flugs.
Á Vísindavefnum er til fjöldi svara við spurningum um mörgæsir, meðal annars þessi:
Það eru nokkrar ástæður fyrir því að mörgæsir geta ekki flogið. Þær eru í fyrsta lagi of þungar og í öðru lagi eru vængirnir á þeim allt of stuttir miðað við líkamsstærð. Vængirnir eru jafnframt aðlagaðir að sundi frekar en flugi og minna því frekar á hreifa en eiginlega vængi.
Þrátt fyrir þetta eru mörgæsir skyldastar fuglum og tilheyra þeim ættbálki fugla sem nefnist á latínu Sphenisciformes, en innan þessa ættbálks er aðeins ætt mörgæsa. Þó mörgæsir geti ekki flogið þá eru þær komnar af fleygum fuglum, en hafa aðlagað sig lífi á sjó og landi við suðurheimskautið. Þó þær geti ekki nýtt vængina til flugs eru þeir vel aðlagaðir að sundi og í sjó kemst mörgæsin hratt yfir.
Það eru fleiri fuglategundir en mörgæsin sem ekki eru fleygar og má þar nefna geirfuglinn, strútinn, móa og emú. Þessar fuglategundir hafa líkt og mörgæsin þróast út frá fleygum fuglum en svo aðlagast lifnaðarháttum á jörðu niðri.
Við gætum þess vegna orðað svarið við spurningunni öðruvísi og sagt sem svo að mörgæsin getur ekki flogið af því að hún hefur enga þörf fyrir að fljúga; hún á enga óvini á landi. „Vængirnir“ sem fyrirrennarar hennar höfðu hafa lagað sig að þessu og nýtast henni nú til sunds í stað flugs.
Á Vísindavefnum er til fjöldi svara við spurningum um mörgæsir, meðal annars þessi:
