Vísindavefurinn: Hvað mundi gerast ef ég færi inn í svarthol?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Flest við svarthol er ólíkt því sem við eigum alla jafna að venjast. Ef við hugsum okkur að spyrjandi lenti í því óláni að sogast að svartholi er hægt að fjalla um hvað gerist frá tveimur sjónarhornum. Annars vegar frá sjónarhóli þeirra sem verða vitni að atburðinum og hins vegar frá sjónarhóli þess sem lendir í svartholinu.

Við vildum sjálfsagt ekki lenda inni í þessu!

Ef við fylgjumst með spyrjandanum úr fjarlægð nálgast svartholið myndi okkur virðast að hann færi alltaf hægar og hægar. Það er vegna sveigju tímarúmsins. Ef spyrjandinn væri með úr á sér og við sæjum á það myndi okkur sýnist sem úrið hægði einnig á sér. Þegar spyrjandinn kæmi að sjónhvörfum svartholsins myndi okkur virðast sem tíminn hjá honum liði óendanlega hægt og hann stæði í stað.

Frá sjónarhóli spyrjandans eru hlutirnir hins vegar allt öðruvísi. Fyrir honum mundi tíminn ekki hægja á sér. Sá hluti spyrjandans sem félli á undan inn í svartholið mundi verða fyrir mun meiri þyngdarkrafti en aðrir líkamspartar. Kraftarnir mundu sundra spyrjanda í frumeindir og jafnvel sundra frumeindunum líka.

Þetta er í stuttu máli það sem mundi gerast ef spyrjandi færi inn í svarthol.

Heimildir og frekara lesefni:

Hverfur allt sem fer inn í svarthol eða kemur eitthvað út úr þeim aftur? eftir Kristján Rúnar Kristjánsson
Hvað er svarthol? eftir Tryggva Þorgeirsson og Þorstein Vilhjálmsson
Hvernig myndast svarthol í geimnum? eftir Tryggva Þorgeirsson og Þorstein Vilhjálmsson
Kemur maður inn í aðra veröld ef maður færi í gegnum svartholið? eftir JGÞ

Mynd: Ute Kraus. Birt undir Creative Commons Attribution ShareAlike 2.0 Germany leyfi. Sótt 12. 2. 2009.

Senda grein til vinar

Sendu inn spurningu

Hvað mundi gerast ef ég færi inn í svarthol?

Höfundur

Útgáfudagur

Spyrjandi

Efnisorð

Tilvísun

Senda grein til vinar

Sendu inn spurningu

Hvað mundi gerast ef ég færi inn í svarthol?

Höfundur

Útgáfudagur

Spyrjandi

Efnisorð

Tilvísun

Deila

Senda grein til vinar