Vísindavefurinn: Hvað brennir maður mörgum hitaeiningum í svefni?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Þó líkamsstarfsemin sé í lágmarki þegar við sofum er engu að síður ýmislegt í gangi sem krefst orku; við drögum andann, hjartað slær, blóðið rennur, heilinn er virkur, við byltum okkur og svona mætti áfram telja.

Víða á Netinu má finna upplýsingar um það hversu mikla orku þarf til þess að framkvæma ákveðið athæfi, allt frá því að sofa til þess að hlaupa spretthlaup. Yfirleitt er miðað við brennslu hitaeininga á klukkustund og einhverja ákveðna líkamsþyngd.

Ef gert er ráð fyrir að Þyrnirós hafi verið grannvaxin og ekki vegið nema tæp 55 kg þá hefur hún verið búin að brenna 43.800.000 hitaeiningum þegar prinsinn vakti hana eftir heila öld. Við verðum bara að vona að hún hafi fengið næringu í æð á meðan hún svaf!

Manneskja sem er 70 kg brennir um 63 hitaeiningum á hverri klukkustund þegar hún sefur. Það þýðir að átta tíma svefn krefst rétt rúmlega 500 hitaeininga. Ef þetta er sett í samhengi þá krefst góður nætursvefn svipaðs fjölda hitaeininga og er að finna í 100 g af kartöfluflögum eða um sex meðalstórum eplum. Með því að ganga rösklega í um tvær klukkustundir eða skokka rólega í tæpa klukkustund má brenna sama fjölda hitaeininga og líkaminn notar þegar sofið er í átta klukkustundir.

Frekari fróðleikur á Vísindavefnum:

Er hægt að grennast með því að leika á fiðlu? eftir Emilíu Dagnýju Sveinbjörnsdóttur
Hvað brennir mannslíkaminn að meðaltali mörgum hitaeiningum á dag? eftir Þuríði Þorbjarnardóttur
Myndast nýjar fitufrumur þegar við fitnum? eftir Þuríði Þorbjarnardóttur
Hvers vegna verða sumir feitir þótt þeir borði alveg eins mat og þeir grönnu? eftir Magnús Jóhannsson
Hver er munurinn á kolvetnum og kaloríum? eftir Þorstein Vilhjálmsson og Emilíu Dagnýju Sveinbjörnsdóttur

Heimildir og mynd:

Í heild sinni hljóðaði spurningin svona:

Brennur maður einhverjum hitaeiningum í svefni og ef svo er, hvað brennur meðal maður mörgum hitaeiningum ef sofið er í um 8 klst?

Senda grein til vinar

Sendu inn spurningu

Hvað brennir maður mörgum hitaeiningum í svefni?

Höfundur

Útgáfudagur

Spyrjandi

Efnisorð

Tilvísun

Senda grein til vinar

Sendu inn spurningu

Hvað brennir maður mörgum hitaeiningum í svefni?

Höfundur

Útgáfudagur

Spyrjandi

Efnisorð

Tilvísun

Deila

Senda grein til vinar